ຜູ້ຊ່ຽວຊານຮຽກຮ້ອງໃຫ້ຈີນກັບອາຊຽນລົງເລິກການຮ່ວມມືດ້ານການສຶກສາ
ຄຽງຄູ່ກັບການພົວພັນລະຫວ່າງຈີນ ກັບ ອາຊຽນມີຊີວິະຊີວາຂຶ້ນຕື່ມ ແລະ ເຂົ້າສູ່ລົງເລິກ, ການເຊື່ອມໂຍງເຂົາກັນດ້ານການສຶກສາລະຫວ່າງສອງຝ່າຍກໍ່ກຳລັງເຂົ້າສູ່ລວງເລິກ.ການຮັບຮອງປະຫວັດການສຶກສາ ແລະ ຊັ້ນປະລິນຍາເປັນຕົ້ນ ເຊິ່ງກັນແລະກັນແມ່ນເນື້ອໃນສຳຄັນໃນການເຊື່ອມໂຍງເຂົ້າກັນດ້ານການສຶກສາລະຫວ່າງຈີນ ກັບ ອາຊຽນ
ຫວ່າງມໍ່ໆນີ້, ໃນເວລາເຂົ້າຮ່ວມ "ສັບປະດາແລກປ່ຽນການສຶກສາຈີນ-ອາຊຽນ" ທີ່ຈັດຂຶ້ນຢູ່ນະຄອນກຸ້ຍຢ໋າງເທດສະບານແຂວງກຸ້ຍໂຈ່ວຈີນ, ທ່ານວາງລີ້ຊີ່ງ ຮອງຫົວໜ້າສູນພັດທະນາການສຶກສາຊັ້ນປະລິນຍາ ແລະ ນັກສຶກສາຄົ້ນຄວ້າກະຊວງສຶກສາທິການຈີນກ່າວວ່າ, ເລື່ອງສຳຄັນທີ່ສຸດໃນປັດຈຸບັນແມ່ນແກ້ໄຂບັນຫາຮັບຮອງລະດັບການສຶກສາເຊິ່ງກັນແລະກັນ.
ທ່ານຫຼີພີງ ຫົວໜ້າພະແນກຢັ້ງຢືນ ສູນພັດທະນາການສຶກສາຊັ້ນປະລິນຍາ ແລະ ນັກສຶກສາຄົ້ນຄວ້າກະຊວງສຶກສາທິການຈີນກ່າວວ່າ, ການຮັບຮອງລະດັບການສຶກສາເຊິ່ງກັນແລະກັນແມ່ນປະຖົມປັດໄຈແຫ່ງການເຊື່ອມໂຍງເຂົ້າກັນ, ນີ້ບໍ່ພຽງແຕ່ແນໃສ່ການສຶກສາຊັ້ນສູງເທົ່ານັ້ນ, ແຕ່ຍັງລວມທັງປະຫວັດການສຶກສາ, ຊັ້ນປະລິນຍາ, ໃບຢັ້ງຢືນ ແລະ ຄຸນລັກສະນະໃນອາຊີບແລະອື່ນໆ.ປັດຈຸບັນ, ຈີນ ກັບ ຫຼາຍປະເທດອາຊຽນຍັງບໍ່ໄດ້ເຊັນສັນຍາກ່ຽວກັບການຮັບຮອງລະດັບການສຶກສາເຊິ່ງກັນແລະກັນ, ນີ້ຈະກາຍເປັນສິ່ງກີດຂວາງດ້ານລະບຽບຕໍ່ນັກສຶກສາທີ່ໄປຮຽນຢູ່ຕ່າງປະເທດກັບຄືນປະກອບອາຊີບ ຫຼື ຮຽນຕໍ່ພາຍໃນປະເທດຕົນ ພ້ອມທັງການເຄື່ອນຍ້າຍຢ່າງເສລີຂອງນັກວິຊາການເຕັກໂນໂລຊີ ແລະ ແຮງງານ.
