ການປະທະກັນດ້ວຍກຳລັງອາວຸດຢູ່ເມືອງຈາມໂບນກາຟິລິບປິນເຮັດໃຫ້ມີຮ້ອຍກວ່າຄົນເສຍຊີວິດ
ວັນທີ 18 ກັນຍານີ້, ເຈົ້າໜ້າທີ່ທະຫານຟິລິບປິນປະກາດວ່າ, ນັບມາຮອດປັດຈຸບັນ,ການປະທະກັນດ້ວຍກຳລັງອາວຸດຢູ່ເມືອງຈາມໂບນກາທີ່ເປັນເວລາ 10 ມື້ໄດ້ເຮັດໃຫ້ຢ່າງໜ້ອຍມີ 107 ຄົນເສຍຊີວິດ, ເຖິງວ່າໄດ້ປະສົບຄວາມເສຍຫາຍຢ່າງໜັກໜ່ວງກໍຕາມ, ແຕ່ຜູ້ປະກອບອາວຸດ "ແນວໂຮມປົດປ່ອຍຊາດໂມໂຣ" ຫຼື MNLF ຍັງຕໍ່ຕ້ານຢ່າງດື້ດ້ານຫົວແຂງ.
ທ່ານໂດມີນໂກ ຕູຕາອັນ ໂຄສົກກອງກຳລັງປະກອບອາວຸດຟິລິບປິນກ່າວວ່າ, ໃນຜູ້ເສຍຊີວິດ ລວມທັງນາຍທະຫານລັດຖະບານ 11 ຄົນ, ຕຳຫຼວດ 3 ຄົນ, ຜູ້ປະກອບອາວຸດ MNLF 86 ຄົນ ແລະ ພົນລະເມືອງ 7 ຄົນ. ນອກນີ້, ຍັງມີທະຫານລັດຖະບາ 105 ຄົນ ແລະ ຕຳຫຼວດ 12 ຄົນໄດ້ຮັບບາດເຈັບ.
ທ່ານຕູຕາອັນກ່າວວ່າ, ໃນການສູ້ຮົບທີ່ເປັນເວລາ 10 ມື້ຜ່ານມານີ້, ທະຫານລັດຖະບານ ແລະ ກອງທັບຕຳຫຼວດໄດ້ຍຶດຄືນບ່ອນທີ່ຖືກຜູ້ປະກອບອາວຸດ MNLF ຍຶດຄອງນັ້ນຄືນໄດ້ 70% ແລ້ວ, ມີຜູ້ປະກອບອາວຸດ MNLF 93 ຄົນຖືກຈັບ ຫຼື ຍອມຈຳນົນ. ປັດຈຸບັນ, ຈຳນວນຜູ້ປະກອບອາວຸດ MNLF ທີ່ຍັງຕໍ່ຕ້ານກັບກອງກຳລັງລັດຖະບານນັ້ນຄາດວ່າ,ມີ 70 ຫາ 75 ຄົນ, ຍັງມີຕົວປະກັນຈຳນວນໜຶ່ງຖືກກັກໄວ້ໃນມືຂອງຜູ້ປະກອບອາວຸດ MNLF.
