ຟິລິບປິນກ່າວວ່າ,ຈະສືບຕໍ່ສະແຫວງຫາວິທີແກ້ໄຂຕົວປະກັນຢ່າງເໝາະສົມ
ຕາມຂ່າວCRI: ວັນທີ 7 ພະຈິກນີ້, ສະພານິຕິບັນຍັດຮົງກົງໄດ້ຜ່ານຮັບຮອງຍັດຕິສະບັບປັບປຸງກ່ຽວກັບລົງໂທດຟິລິບປິນດ້ານເສດຖະກິດ ແລະ ຢຸດຕິການຍົກເວັ້ນວິຊາໃຫ້ຜູ້ຖືໜັງສືຜ່ານແດນຟິລິບປິນເປັນຊົ່ວຄາວ. ໂດຍແນໃສ່ມາດຕະການລົງໂທດຂອງຮົງກົງ, ກະຊວງການຕ່າງປະເທດຟິລິບປິນກ່າວວ່າ ຈະສືບຕໍ່ສະແຫວງຫາວິທີແກ້ໄຂຕົວປະກັນຢ່າງເໝາະສົມ, ສ່ວນທ່ານໂຈສ໌ເຟີ ເອັສຕຼາດາ ເຈົ້າຄອງນະຄອນຫຼວງມານີລາກໍ່ຕົກລົງເລື່ອນເວລາໄປຮົງກົງຂໍອະໄພ.
ວັນທີ 7 ພະຈິກນີ້, ສະພານິຕິບັນຍັດຂອງເຂດບໍລິຫານພິເສດຮົງກົງໄດ້ຜ່ານຮັບຮອງຍັດຕິທີ່ບໍ່ມີສິດມັດກ່ຽວກັບ "ຊຸກຍູ້ໃຫ້ອົງການປົກຄອງເຂດບໍລິຫານພິເສດດຟິລິບປິນດ້ານເສດຖະກິດ"ທີ່ສະເໜີໂດຍສະມາຊິກສະພາ. ພ້ອມກັນນັ້ນ, ສະພານິຕິບັນຍັດຮົງກົງກໍ່ໄດ້ຜ່ານຮັບຮອງຍັດຕິສະບັບປັບປຸງກ່ຽວກັບຢຸດຕິການຍົກເວັ້ນວິຊາໃຫ້ຜູ້ຖືໜັງສືຜ່ານແດນຟິລິບປິນເປັນຊົ່ວຄາວທີ່ສະເໜີໂດຍສະມາຊິກສະພາ. ຕໍ່ເລື່ອງນີ້, ທ່ານຣາວ ເຮີນານເດສ໌ ໂຄສົກກະຊວງການຕ່າງປະເທດຟິລິບປິນກ່າວວ່າ, ລັດຖະບານຟິລິບປິນຈະສືບຕໍ່ທຳຄວາມພະຍາຍາມ, ເພື່ອສະແຫວງຫາວິທີແກ້ໄຂທີ່ສອງຝ່າຍລ້ວນແຕ່ຮູ້ສຶກພໍໃຈ, ມາແກ້ໄຂວິກິດການຕົວປະກັນນະຄອນຫຼວງມານີລາຢ່າງເໝາະສົມ.
ນອກນີ້, ສື່ມວນຊົນຟິລິບປິນລາຍງານວ່າ, ທ່ານໂຈສ໌ເຟີ ເອັສຕຼາດາ ເຈົ້າຄອງນະຄອນຫຼວງມານີລາກ່າວວ່າ, ເມື່ອໄດ້ຊາບຜົນການປຶກສາຫາລືຂອງທູດພິເສດຂອງອົງການປົກຄອງນະຄອນຫຼວງມານີລາຢູ່ຮົງກົງແລ້ວ, ຕົກລົງເລື່ອນເວລາໄປຮົງກົງຂໍອະໄພ, ເພື່ອຄົ້ນຄວ້າຄຳຮຽກຮ້ອງຂອງຝ່າຍຮົງກົງຢ່າງລະອຽດ.
