ກະຊວງການຕ່າງປະເທດຈີນກ່າວວ່າ,ໄພທຳມະຊາດແມ່ນສິ່ງທ້າທາຍຮ່ວມກັນ,ຈີນຈະເພິ່ມທະວີການຮ່ວມມືກັບອາຊຽນ
ຕາມຂ່າວCRI: ວັນທີ 12 ພະຈິກນີ້, ໃນກອງປະຊຸມຂ່າວທີ່ຈັດຂຶ້ນຢູ່ທີ່ປັກກິ່ງ, ທ່ານຊີນກ່າງ ໂຄສົກກະຊວງການຕ່າງປະເທດຈີນກ່າວວ່າ, ຈີນຈະຮ່ວມກັບປະເທດອາຊຽນ, ສືບຕໍ່ເພິ່ມທະວີການຮ່ວມມືໃນຂົງເຂດປ້ອງກັນໄພພິບັດ ແລະ ການກູ້ໄພ.
ຫວ່າງມໍ່ໆນີ້, ພາຍຸໄຕ້ຝຸ່ນ "ໄຮຢຽນ" ໄດ້ສົ່ງຜົນກະທົບຕໍ່ຕີຈີນ,ຟິລິບິນ,ຫວຽດນາມ ແລະ ປະເທດອື່ນໆ, ເຊິ່ງເຮັດໃຫ້ມີຄົນເສຍຊີວິດແລະບາດເຈັບຢ່າງຫຼວງຫຼາຍ, ແລະສ້າງຄວາມເສຍຫາຍດ້ານຊັບສິນຢ່າງໜັກໜ່ວງ. ຊຸມປີມໍ່ໆມານີ້, ການຮ່ວມມືໃນຂົງເຂດປ້ອງກັນໄພ ແລະ ຫຼຸດຜ່ອນໄພພິບັດລະຫວ່າງຈີນ ກັບ ອາຊຽນໄດ້ເລັ່ງລັດພັດທະນາຢ່າງບໍ່ຢຸດຢັ້ງ. ປີນີ້, ພາຍໃນຂອບ ອາຊຽນບວກໜຶ່ງ(10+1), ສອງຝ່າຍໄດ້ຈັດກອງປະຊຸມສາກົນ, ກອງປະຊຸມສຳມະນາ ແລະ ການຊ້ອມຮັບມືກັບສະພາບສຸກເສີນຕ່າງໆກ່ຽວກັບການປ້ອງກັນແລະຫຼຸດຜ່ອນໄພພິບັດ. ຈີນ ກັບ ອາຊຽນຍັງໄດ້ຕົກລົງສ້າງຕັ້ງກອງທຶນຮ່ວມມືທາງທະເລ, ໃນນັ້ນ ເນື້ອໃນສຳຄັນດ້ານໜຶ່ງກໍ່ແມ່ນປ້ອງກັນໄພ ແລະ ຫຼຸດຜ່ອນໄພພິບັດ.
