ຈີນແລະອາຊຽນຈະດຳເນີນການຮ່ວມມືດ້ານມາດຕະຖານຢ່າງກວ້າງຂວາງ
(GMT+08:00) 2013-11-14 18:03:33 cri
ຫວ່າງມໍ່ໆມານີ້, ຄະນະກຳມະການມາດຕະຖານແຫ່ງຊາດຈີນຈັດກິດຈະກຳອົບຮົມແລະແລກປ່ຽນດ້ານມາດຕະຖານລະຫວ່າງຈີນກັບອາຊຽນຄັ້ງທຳອິດ. ເຈົ້າໜ້າທີ່ແລະຜູ້ຊ່ຽວຊານໃນຂະແໜງການນີ້ທີ່ມາຈາກ 8 ປະເທດອາຊຽນຄືກຳປູເຈຍ, ອິນໂດເນເຊຍ, ລາວ, ມາເລເຊຍ, ມຽນມາ, ສິງກະໂປ, ໄທ ແລະຫວຽດນາມລວມ 23 ຄົນໄດ້ເຂົ້າຮ່ວມຊຸດອົບຮົມ. ໂຄສົກຝ່າຍຈີນເຜີຍໃຫ້ຮູ້ວ່າ, ຈີນແລະອາຊຽນຈະກ້າວເຖິງຂັ້ນມີຄວາມຮັບຮູ້ຄືກັນທີ່ "ເຊື່ອມໂຍງເຂົ້າກັນ, ເຊື່ອມຕໍ່ກັນ ແລະຮັບຮູ້ຊຶ່ງກັນແລະກັນ" ໃນດ້ານມາດຕະຖານເທື່ອລະກ້າວ, ການຮ່ວມມືລະຫວ່າງສອງຝ່າຍຈະກ້າວເຂົ້າສູ່ໄລຍະໃໝ່ທີ່ຕິດແທດຕົວຈິງແລະເປັນປະຈຳ.
ໃນຫຼາຍປີມໍ່ໆມານີ້,ເພື່ອຊຸກຍູ້ການສົນທະນາແລະການຮ່ວມມືກັນລະຫວ່າງຈີນກັບອາຊຽນໃນຂົງເຂດການເມືອງແລະເສດຖະກິດ, ສອງຝ່າຍໄດ້ເຊັນ "ສັນຍາຂອບການຮ່ວມມືທາງເສດຖະກິດຢ່າງຮອບດ້ານລະຫວ່າງຈີນກັບອາຊຽນ", "ຖະແຫຼງການຮ່ວມກ່ຽວກັບການພົວພັນຄູ່ຍຸດທະສາດທີ່ອວ່ຍໜ້າໄປສູ່ສັນຕິພາບແລະຄວາມຈະເລີນຮຸ່ງເຮືອງ" ແລະເອກະສານທີ່ສຳຄັນອື່ນໆອີກຫຼາຍສະບັບ. ສຳລັບມາດຕະຖານຖືກຖືໂດຍທົ່ວໄປວ່າແມ່ນການບຸກທະລຸອີກຢ່າງໜຶ່ງໃນການຮ່ວມມືລະຫວ່າງຈີນກັບອາຊຽນ,ມີຄວາມໝາຍອັນເລິກເຊິ່ງຍາວໄກຕໍ່ການເຈລະຈາກ່ຽວກັບການຍົກລະດັບເຂດການຄ້າເສລີ ແລະຊຸກຍູ້ການຄ້າລະຫວ່າງສອງຝ່າຍແລະຫຼາຍຝ່າຍຕື່ມອີກ. ລາຍງານຂ່າວແຈ້ງວ່າ, ສອງຝ່າຍມີຄວາມໝັ້ນໃຈໃນການຮ່ວມມືທີ່ເພີ່ມຂຶ້ນໃນກິດຈະກຳແລກປ່ຽນທາງດ້ານມາດຕະຖານຄັ້ງນີ້ ຕົ້ນຕໍແມ່ນຍ້ອນວ່າໄດ້ຮັບຜົນດີຫຼາຍໃນໄລຍະຜ່ານມາແລ້ວ.
ທ່ານນາງອີຊິ່ນລີ້, ຮອງຫົວໜ້າຄະນະກຳມະການມາດຕະຖານຈີນກ່າວວ່າ,ໃນເວທີມາດຕະຖານສາກົນ,ຈີນຍິນດີພ້ອມກັບປະເທດໃນອາຊຽນ, ເພີ່ມທະວີການແລກປ່ຽນແລະປະສານສົມທົບກັນໃຫ້ຫຼາຍຍິ່ງຂຶ້ນ, ຮ່ວມກັນຄົ້ນຄວ້າແລະຜ່ານຜ່າບັນຫາຕ່າງໆເຊັ່ນ "ຫຼຸມພາງລາຍໄດ້ລະດັບກາງ" ເປັນຕົ້ນ, ແລະປະກອບສ່ວນເຂົ້າໃນວຽກງານດ້ານມາດຕະຖານສາກົນແລະການພັດທະນາເສດຖະກິດພາກພື້ນ.
ໃນຫຼາຍປີມໍ່ໆມານີ້,ເພື່ອຊຸກຍູ້ການສົນທະນາແລະການຮ່ວມມືກັນລະຫວ່າງຈີນກັບອາຊຽນໃນຂົງເຂດການເມືອງແລະເສດຖະກິດ, ສອງຝ່າຍໄດ້ເຊັນ "ສັນຍາຂອບການຮ່ວມມືທາງເສດຖະກິດຢ່າງຮອບດ້ານລະຫວ່າງຈີນກັບອາຊຽນ", "ຖະແຫຼງການຮ່ວມກ່ຽວກັບການພົວພັນຄູ່ຍຸດທະສາດທີ່ອວ່ຍໜ້າໄປສູ່ສັນຕິພາບແລະຄວາມຈະເລີນຮຸ່ງເຮືອງ" ແລະເອກະສານທີ່ສຳຄັນອື່ນໆອີກຫຼາຍສະບັບ. ສຳລັບມາດຕະຖານຖືກຖືໂດຍທົ່ວໄປວ່າແມ່ນການບຸກທະລຸອີກຢ່າງໜຶ່ງໃນການຮ່ວມມືລະຫວ່າງຈີນກັບອາຊຽນ,ມີຄວາມໝາຍອັນເລິກເຊິ່ງຍາວໄກຕໍ່ການເຈລະຈາກ່ຽວກັບການຍົກລະດັບເຂດການຄ້າເສລີ ແລະຊຸກຍູ້ການຄ້າລະຫວ່າງສອງຝ່າຍແລະຫຼາຍຝ່າຍຕື່ມອີກ. ລາຍງານຂ່າວແຈ້ງວ່າ, ສອງຝ່າຍມີຄວາມໝັ້ນໃຈໃນການຮ່ວມມືທີ່ເພີ່ມຂຶ້ນໃນກິດຈະກຳແລກປ່ຽນທາງດ້ານມາດຕະຖານຄັ້ງນີ້ ຕົ້ນຕໍແມ່ນຍ້ອນວ່າໄດ້ຮັບຜົນດີຫຼາຍໃນໄລຍະຜ່ານມາແລ້ວ.
ທ່ານນາງອີຊິ່ນລີ້, ຮອງຫົວໜ້າຄະນະກຳມະການມາດຕະຖານຈີນກ່າວວ່າ,ໃນເວທີມາດຕະຖານສາກົນ,ຈີນຍິນດີພ້ອມກັບປະເທດໃນອາຊຽນ, ເພີ່ມທະວີການແລກປ່ຽນແລະປະສານສົມທົບກັນໃຫ້ຫຼາຍຍິ່ງຂຶ້ນ, ຮ່ວມກັນຄົ້ນຄວ້າແລະຜ່ານຜ່າບັນຫາຕ່າງໆເຊັ່ນ "ຫຼຸມພາງລາຍໄດ້ລະດັບກາງ" ເປັນຕົ້ນ, ແລະປະກອບສ່ວນເຂົ້າໃນວຽກງານດ້ານມາດຕະຖານສາກົນແລະການພັດທະນາເສດຖະກິດພາກພື້ນ.
