ທ່ານຊິນໂຈ ອາເບ ສຳເລັດການຢ້ຽມຢາມ 10 ປະເທດອາຊຽນ
(GMT+08:00) 2013-11-17 14:01:02 cri
ຕອນບ່າຍວັນທີ 16 ພະຈິກຕາມເວລາທ້ອງຖິ່ນ, ທ່ານຮຸນເຊນ ນາຍົກລັດຖະມົນຕີກຳປູເຈຍໄດ້ພົບປະກັບທ່ານຊິນໂຈ ອາເບ ນາຍົກລັດຖະມົນຕີຍີ່ປຸ່ນທີ່ໄປຢ້ຽມຢາມ, ແລະຮ່ວມກັນສະເຫຼີມສະຫຼອງຍີ່ປຸ່ນກັບກຳປູເຈຍສ້າງສາຍພົວພັນທາງການທູດຄົບຮອບ 60 ປີ. ອີງຕາມຖະແຫຼງການຮ່ວມລະຫວ່າງຍີ່ປຸ່ນກຳປູເຈຍ ທີ່ກະຊວງການຕ່າງປະເທດກຳປູເຈຍປະກາດໃນມື້ດຽວກັນ, ສອງປະເທດຈະຊຸກຍູ້ການຂະຫຍາຍການພົວພັນສອງຝ່າຍໃນດ້ານຕ່າງໆ, ເຊັ່ນ: ການເມືອງແລະຄວາມໝັ້ນຄົງ, ການຕ່າງປະເທດແລະການປົກຄອງດ້ວຍກົດໝາຍ, ການຮ່ວມມືດ້ານເສດຖະກິດ, ການແລກປ່ຽນບຸກຄະລາກອນແລະວັດທະນະທຳ ແລະຮ່ວມກັນຮັບມືກັບຫົວຂໍ້ຫາລືໃນພາກພື້ນເປັນຕົ້ນ. ຖະແຫຼງການຍັງໄດ້ກ່າວເຖິງບັນຫາທະເລຈີນໃຕ້ແລະບັນຫານິວເຄຼຍສ.ປ.ປເກົາຫຼີ. ຖະແຫຼງການກ່າວວ່າ, ທ່ານຮຸນເຊັນ ນາຍົກລັດຖະມົນຕີກຳປູເຈຍໄດ້ຮັບເອົາການເຊື້ອເຊີນຂອງທ່ານຊິນໂຈ ອາເບ ໄປຢ້ຽມຢາມຍີ່ປຸ່ນ. ນອກນັ້ນ, ຂ່າວສານກຽວໂຕຍີ່ປຸ່ນແຈ້ງຂ່າວວ່າ, ທ່ານຊິນໂຈ ອາເບ ກັບທ່ານຮຸນເຊນຍັງໄດ້ບັນລຸຄວາມເຫັນເອກະສັນກັນກ່ຽວກັບຫົວຂໍ້ຫາລືຕ່າງໆ, ເຊັ່ນ: ການຊຸກຍູ້ການແລກປ່ຽນວຽກງານປ້ອງກັນຄວາມສະຫງົບລະຫວ່າງສອງປະເທດ ເຊິ່ງລວມທັງການຮ່ວມມືການເຄື່ອນໄຫວຮັກສາສັນຕິພາບສະຫະປະຊາຊາດ, ຍີ່ປຸ່ນຈະເພີ່ມທະວີການຊ່ວຍເຫຼືອການປິ່ນປົວສາທາລະນະສຸກຕໍ່ກຳປູເຈຍເປັນຕົ້ນ.
ວັນທີ 17 ພະຈິກນີ້, ທ່ານຊິນໂຈ ອາເບ ໄປຢ້ຽມຢາມລາວ, ທ່ານຈະໄດ້ພົບປະເຈລະຈາກັບທ່ານຈູມມະລີ ໄຊຍະສອນ ປະທານປະເທດລາວ ແລະທ່ານທອງສິງ ທຳມະວົງ ນາຍົກລັດຖະມົນຕີລາວ.
ວັນທີ 17 ພະຈິກນີ້, ທ່ານຊິນໂຈ ອາເບ ໄປຢ້ຽມຢາມລາວ, ທ່ານຈະໄດ້ພົບປະເຈລະຈາກັບທ່ານຈູມມະລີ ໄຊຍະສອນ ປະທານປະເທດລາວ ແລະທ່ານທອງສິງ ທຳມະວົງ ນາຍົກລັດຖະມົນຕີລາວ.
