|
|
 |
| (GMT+08:00)
2008-03-24 20:32:08
|
 |
|
ປີ2007ການປະຢັດພະລັງງານແລະຫຼຸດການລະບາຍມົນລະພິດຂອງຈີນໄດ້ມີການຫັນປ່ຽນໄປທາງດີ
cri
Author: d
ຂ່າວສານຊິນຮວາ: ຫວ່າງມໍ່ໆນີ້ ສະພາບັນດິດວິທະຍາສາດສັງຄົມຈີນໄດ້ເຜີຍແຜ່ປຶ້ມປົກຂຽວສິ່ງແວດລ້ອມປີ2008ທີ່ພາດຫົວເລື່ອງວ່າ "ວິກິດການແລະໂອກາດປ່ຽນແປງ ດ້ານສິ່ງແວດລ້ອມຂອງຈີນ",ປຶ້ມປົກຂຽວຊີ້ອອກວ່າ,ປີ2007 ການປະຢັດພະລັງງານແລະຫຼຸດການລະບາຍມົນລະພິດຂອງຈີນໄດ້ເລີ່ມມີການຫັນປ່ຽນໄປທາງດີໃນເບື້ອງຕົ້ນ.
ປີ2007ແມ່ນປີຫົວລ້ຽວຫົວຕໍ່ທີ່ຈີນປັບປຸງສະພາບການປະຢັດພະລັງງານແລະຫຼຸດການລະບາຍມົນລະພິດໃຫ້ດີຂຶ້ນ. ການປະຢັດພະລັງງານແລະຫຼຸດການລະບາຍມົນລະພິດໄດ້ກາຍເປັນວຽກງານສຳຄັນທີ່ສຸດໃນການອະນຸລັກສິ່ງແວດລ້ອມຂອງຈີນ. ລັດຖະບານໃຊ້ນະໂຍບາຍຫຼາຍຂໍ້,ເພີ່ມທະວີການປະຕິບັດກົດໝາຍກ່ຽວກັບສິ່ງແວດລ້ອມແລະກໍ່ສ້າງລະບຽບສິ່ງແວດລ້ອມ,ຈຳກັດການອະນຸມັດໂຄງການ,ແລະສະກັດກັ້ນບໍ່ໃຫ້ຂະແໜງການທີ່ໃຊ້ພະລັງງານແລະລະບາຍມົນລະພິດຫຼາຍໂພດ.ປີ2007 ການເງິນສູນກາງຈີນໄດ້ໃຊ້ງົບ23ຕື້500ລ້ານຢວນເພື່ອສະໜັບສະໜູນການປະຢັດພະລັງງານແລະຫຼຸດການລະບາຍມົນລະພິດ,ເຊິ່ງຈີນໄດ້ອອກແຮງສຸດຂີດຫຼາຍກວ່າເກົ່າ.
ເດືອນທັນວາປີ2007,ຄະນະກຳມະການພັດທະນາແລະປະຕິຮູບແຫ່ງລັດຈີນປະກາດວ່າ,ໃນ3ໄຕມາດທຳອິດຂອງປີ2007 ການໃຊ້ພະລັງງານໃນGDPຂອງຈີນໄດ້ຫຼຸດລົງກວ່າໄລຍະດຽວກັນປະມານ3%,ປະລິມານການລະບາຍຊຸນເຟີ ດີອອກສິດແລະອື່ນໆໄດ້ຢຸດເຊົາທ່າອ່ຽງທີ່ເພີ່ມຂຶ້ນຫຼາຍປີລຽນຕິດ,ແລະໄດ້ຫຼຸດລົງເປັນເທື່ອທຳອິດ.
|
|
|
