|
|
 |
| (GMT+08:00)
2008-04-04 15:48:39
|
|
ໄຟສັກສິດໂອລິມປິກໄປຮອດແຊັງເປເຕີສ໌ບວກ
cri
Author: MO
ຕາມຂ່າວCRI: ຕອນຮຸ່ງເຊົ້າ 3 ໂມງເຄິ່ງຂອງວັນທີ 4 ເມສາເວລາທ້ອງຖິ່ນ(ຄືຕອນເຊົ້າ 6 ໂມງເຄິ່ງເວລາວຽງຈັນ), ຍົນພິເສດທີ່ບັນທຸກໄຟສັກສິດຂອງງານກິລາໂອລິມປິກປັກກິ່ງໄດ້ເດີນທາງໄປຮອດສະໜາມບິນສາກົນພູໂຄໂວຂອງແຊັງເປເຕີສ໌ບວກ ຕົວເມືອງໃຫຍ່ທີສອງຂອງຣັດເຊຍ.
ຕອນເຊົ້າ 10 ໂມງເຄິ່ງຂອງວັນທີ 5 ເມສາເວລາທ້ອງຖິ່ນ, ທວນໄຟໂອລິມປິກປັກກິ່ງຈະສົ່ງຕໍ່ຢູ່ເມືອງແຊງເປເຕີສ໌ບວກ ບ່ອນທີ 3 ຢູ່ນອກດິນຈີນ.
ປັດຈຸບັນ, ເສັ້ນທາງສົ່ງຕໍ່ທວນໄຟຢູ່ແຊັງເປເຕີສ໌ບວກໄດ້ຕົກລົງແລ້ວ. ຈຸດເລີ່ມຕົ້ນແມ່ນສະໜາມຫຼວງໄຊຊະນະທີ່ຢູ່ພາກໃຕ້ເມືອງແຊັງເປເຕີສ໌ບວກ, ຜ່ານຖະໜົນມົສກູແລະຖະໜົນໂວສ໌ເນເຊັນສ໌ຄີ ຂຶ້ນເໜືອຜ່ານໃຈກາງເມືອງແລະຂ້າມແມ່ນ້ຳເນວາ, ຜ່ານບີເຕີອັນບາວໂຟເຊັສແລະກຳປັ່ນລາດຕະເວນຊື່"ອາວໂລລາ"ແລ້ວກັບມາພາກໃຕ້, ສຸດທ້າຍມາຮອດສະໜາມຫຼວງວັງລະດູໜາວທີ່ຢູ່ຝັ່ງໃຕ້ແມ່ນ້ຳເນວາ, ໄລຍະທາງຍາວປະມານ 20 ກິໂລແມັດ, ມີ 80 ຄົນເຂົ້າຮ່ວມການສົ່ງຕໍ່.
|
|
|
