ຜູ້​ບັນຊາ​ການໄທ​ກ່າວ​ວ່າ​ຈະ​ຕິດຕາມ​ຄວບ​ຄຸມການຜັນ​ແປຂອງ​ສະຖານະ​ການ​ຢ່າງ​ໃກ້ຊິດ
2014-01-22 18:54:17  cri 
ຕາມ​ຂ່າວCRI: ວັນ​ທີ 22 ມັງກອນ​ນີ້, ທ່ານປະຍຸດ ຈັນ ​ໂອຊາ, ຜູ້​ບັນຊາ​ການ​ກອງທັບ​ທາງ​ບົກ​ໄທ​ກ່າວ​ວ່າ, ທະຫານຈະ​ຕິດຕາມ​ຄວບ​ຄຸມ​ຢ່າງ​ໃກ້ຊິດ​ຕໍ່ການຜັນ​ແປຂອງ​ສະຖານ​ະການ​ພາຍຫຼັງ​​ໄດ້​ປະກາດ​ພາວະ​ສຸ​ກ​ເສີນ, ​ແຕ່​ວ່າ​ກອງທັບ​ຈະ​ບໍ່​​ເຂົ້າ​ຂ້າງຝ່າຍ​ໃດ, ຈະ​​ໃຫ້​ການ​ປ້ອງ​ກັນ​ຄວາມ​ປອດ​ໄພທີ່​ມີ​ຄວາມ​ຈຳ​ເປັນ​ແກ່​ຝ່າຍ​ຕ່າງໆ​ທີ່​ກ່ຽວຂ້ອງ.

ທ່ານ​ປະຍຸດ ຈັນ ​ໂອຊາ​ກ່າວ​ໃນ​ມື້​ດຽວ​ກັນ​ວ່າ, ລັດຖະບານ​ຮັກສາ​ການ​ມີ​ສິດ​ປະກາດພາວະ​ສຸກ​ເສີນ, ຕຳຫຼວດ​ແມ່ນ​ອົງການ​​ຕົ້ນຕໍ​ຂອງ​ການ​ປະຕິບັດ, ກອງທະຫານ​ສາມາດ​​ໃຫ້​ການ​ຊ່ວຍ​ເຫຼືອ​​ເພີ່ມ​ຕື່ມ​ໄດ້​ໃນ​ກໍລະນີ​ທີ່​ຕຳຫຼວດ​ຂໍ​ຄວາມ​ຊ່ວຍ​ເຫຼືອ. ​ແຕ່​ວ່າ​ທ່ານ​ປະຍຸດ ຈັນ ​ໂອຊາ​​ໄດ້​ມີ​ທ່າ​ທີ​ຮັກສາ​ຕໍ່​ການ​ປະກາດ​ພາວະ​ສຸກ​ເສີນ​ຈະສາມາດ​ຜ່ອນຄາຍ​ສະຖານະ​ການ​ໃນ​ປັດ​ຈຸບັນ​ນີ້​ໄດ້​ຫຼື​ບໍ່.  ທ່ານ​ກ່າວ​ວ່າ, ທະຫານ​ຈະ​ຕິດຕາມ​ຄວບ​ຄຸມ​ການ​ຜັນ​​ແປ​ຂອງ​ສະຖານະ​ການ​ຢ່າງ​ໃກ້ຊິດ, ຖ້າວ່າ​ສະຖານະ​ການມີ​ຄວາມ​ຮຸນ​ແຮງ​ຂຶ້ນ​ບໍ່​ສາມາດ​ຄວບ​ຄຸມ​ໄດ້, ທະຫານ​ກໍຈະ​ເຂົ້າ​​ແຊກ​ແຊງ​ແລະ​​ແກ້​ໄຂ​ບັນຫາ. ​ແຕ່​ວ່າ​ທ່ານ​ປະຍຸດ ​ຈັນ ​ໂອຊາ​ເຊື່​ອວ່າສະຖານະ​ການທີ່ບໍ່​ສາມາດ​ຄວບ​ຄຸມ​ໄດ້ນັ້ນ​ມີ​ຄວາມ​ເປັນ​ໄປ​ໄດ້​ບໍ່​ຫຼາຍ​ປານ​ໃດ.
ຂ່າວ-ບົດທີ່ກ່ຽວຂ້ອງ
ຜູ້ດຳເນີນລາຍການ