ທ່ານນາງຮວ້າຊຸນຢິງ ໂຄສົກກະຊວງການຕ່າງປະເທດຈີນກ່າວຢູ່ໃນກອງປະຊຸມຂ່າວທີ່ຈັດຂຶ້ນໃນວັນທີ 28 ມັງກອນນີ້ວ່າ, ວັນທີ 27 ມັງກອນນີ້, ກຳປັ່ນ "ຢຽນເສິງ" ໄດ້ເຂົ້າສູ່ນ່ານທະເລຊີຣີອີກຄັ້ງໃໝ່ເພື່ອປະຕິບັດໜ້າທີ່ປ້ອງກັນການຂົນສົ່ງອາວຸດເຄມີຊີຣີທາງທະເລງວດທີສອງ. ຈີນຈະສືບຕໍ່ເພີ່ມທະວີການປະສານງານກັບຝ່າຍຕ່າງໆເພື່ອຮ່ວມກັນຮັບປະກັນຄວາມປອດໄພແລະຄວາມສະດວກຂອງການຂົນສົ່ງອາວຸດເຄມີຊີຣີທາງທະເລ.
ນາງຮວາຊຸນຢິງກ່າວວ່າ, ວຽກງານການຂົນສົ່ງອາວຸດເຄມີຊີຣີງວດທີສອງໄດ້ເລີ່ມຕົ້ນຢ່າງສຳເລັດຜົນ,ຊຶ່ງໄດ້ສະແດງໃຫ້ເຫັນຄວາມຕັດສິນໃຈແລະຄວາມປາຖະໜາຂອງຝ່າຍຕ່າງໆຊຶ່ງລວມທັງລັດຖະບານຊີຣີໃນການຊຸກຍູ້ຂະບວນການທຳລາຍອາວຸດເຄມີຊີຣີຢ່າງແທ້ຈິງ, ຈີນສະແດງຄວາມຊົມເຊີຍຕໍ່ຄວາມພະຍາຍາມຂອງຝ່າຍຕ່າງໆແລະຄວາມຄືບໜ້າທີ່ກ່ຽວຂ້ອງ.