ເນື່ອງໃນໂອກາດບຸນກຸດຈີນເຊິ່ງເປັນບຸນປະເພນີຈີນວຽນມາເຖິງນີ້, ກຳປັ່ນ "ຢຽນເສິງ"ຂອງກອງທັບເຮືອຈີນທີ່ກຳລັງປະຕິບັດໜ້າທີ່ປ້ອງກັນການຂົນສົ່ງອາວຸດເຄມີຊີຣີຢູ່ທະເລເມຕີແຕລາເນ, ໄດ້ຮັບໂທລະເລກອວຍພອນທີ່ສົ່ງຈາກກຳປັ່ນຮົບປະເທດຕ່າງໆ.
ກຳປັ່ນຮົບ "Peter the Great" ຂອງຣັດເຊຍທີ່ປະຕິບັດໜ້າທີ່ປ້ອງກັນການຂົນສົ່ງອາວຸດເຄມີຊີຣີໄດ້ສົ່ງໂທລະເລກອວຍພອນປີໃໝ່ໄປຍັງນາຍແລະພົນທະຫານທັງໝົດທີ່ປະຈຳການຢູ່ກຳປັ່ນ "ຢຽນເສິງ" ໃນຕອນຄ່ຳວັນທີ 30 ມັງກອນແລ້ວນີ້ວ່າ:
"ນາຍແລະພົນທະຫານທັງໝົດທີ່ປະຈຳການຢູ່ກຳປັ່ນຣັດເຊຍຂໍ້ຝາກຄວາມຢື້ຢາມຖາມຂ່າວຕໍ່ຝ່າຍຈີນຈົ່ງສະບາຍດີປີໃໝ່ແລະສົມຫວັງທຸກປະການ, ກັບບ້ານແລະແລະເດີນທາງເພື່ອເຕົ້າໂຮມກັບຄອບຄົວໂດຍໄວ." ນາຍແລະພົນທະຫານຂອງກຳປັ່ນຮົບ "Peter the Great" ຍັງກ່າວວ່າ, ເຂົາເຈົ້າໄດ້ຮູ້ສຶກ "ການສະໜັບສະໜູນຢ່າງແຂງແຮງຂອງຈີນ" ໃນເວລາຮ່ວມມືກັບຝ່າຍຈີນ. ຕໍ່ກັບຄວາມອວຍພອນຈາກນາຍແລະພົນທະຫານຣັດເຊຍ, ໜ່ວຍກຳປັ່ນປ້ອງກັນການເດີນເຮືອຂອງຈີນໄດ້ສະແດງຄວາມຂອບໃຈໃນທັນທີ, ແລະກ່າວວ່າຄອງຄອຍການຮ່ວມມືຕື່ມອີກລະຫວ່າງສອງຝ່າຍ.
ມື້ດຽວກັນ, ຜູ້ບັນຊາການຂອງໜ່ວຍກຳປັ່ນປ້ອງກັນການເດີນເຮືອຂອງດານມາກ, ນອກແວກໍ່ໄດ້ສົ່ງໂທລະເລກອວຍພອນປີໃໝ່ເຖິງນາຍແລະພົນທະຫານກຳປັ່ນ "ຢຽນເສິງ". ຜູ້ບັນຊາການກຳປັ່ນ "ຢຽນເສິງ" ກໍໄດ້ສະແດງຄວາມຂອບໃຈໃນທັນທີ.
ກຳປັ່ນຮົບ "ຢຽນເສິງ" ໄດ້ຮ່ວມກັນກຳປັ່ນຮົບຂອງຣັດເຊຍ, ດານມາກແລະນອກແວ, ເລີ່ມປະຕິບັດໜ້າທີ່ປ້ອງກັນການຂົນສົ່ງອາວຸດເຄມີຊີຣີເລີ່ມແຕ່ເດືອນມັງກອນປີ 2014. ນັບມາຮອດປັດຈຸບັນ, ກອງທັບເຮືອຈີນໄດ້ສຳເລັດໜ້າທີ່ວຽກງານປ້ອງກັນການຂົນສົ່ງອາວຸດເຄມີສອງງວດຢ່າງສຳເລັດຜົນແລ້ວ.