ກຳລັງທາງທະເລແລະທາງອາກາດຂອງຈີນຮ່ວມກັນຊອກຄົ້ນຫາເຮືອບິນໂດຍສານທີ່ຫາຍສາບສູນໄປເປັນເທື່ອທຳອິດ

ປ່ອຍຍານດຳນ້ຳ"Bluefin-21" ລົງນ້ຳເພື່ອຊອກຄົ້ນຫາໃຕ້ນ້ຳທະເລ

ກຳລັງຊອກຄົ້ນຫາທາງທະເລແລະທາງອາກາດຂອງຈີນໄດ້ຮ່ວມກັນຊອກຄົ້ນຫາເຮືອບິນໂດຍສານຂອງບໍລິສັດການບິນມາເລເຊຍທີ່ຫາຍສາບສູນໄປຢູ່ເຂດທະເລແຫ່ງດຽວກັນຂອງມະຫາສະໝຸດອິນເດຍໃຕ້ເປັນເທື່ອທຳອິດໃນວັນທີ 14 ເມສານີ້. ໃນວັນດຽວກັນ, ຝ່າຍອົສຕຣາລີຢືນຢັນວ່າ, ເນື່ອງຈາກວ່າໃນຫຼາຍມື້ຜ່ານມາບໍ່ໄດ້ຄົ້ນພົບສັນຍານທີ່ສົ່ງມາຈາກໃຕ້ນ້ຳທະເລອີກ, ຝ່າຍອົສຕຣາລີຈະຍຸດຕິການນຳໃຊ້ອຸປະກອນກຳນົດທີ່ຕັ້ງດ້ວຍຄື້ນສຽງ, ຫັນໄປນຳໃຊ້ຍານດຳນ້ຳ "Bluefin-21" ເຂົ້າໃນການຊອກຄົ້ນຫາຢູ່ໃຕ້ນ້ຳທະເລ. ຍານດຳນ້ຳໄດ້ຖືກປ່ອຍລົງນ້ຳເລີ່ມປະຕິບັດໜ້າທີ່ໃນເວລາ 17 ໂມງຂອງວັນທີ 14 ເມສານີ້ຕາມເວລາປັກກິ່ງ.

ທ່ານອັນກັສ ຮິວສະຕັນ ຫົວໜ້າຜູ້ປະສານງານຂອງສູນປະສານງານຮ່ວມອົສຣາລີເພື່ອຊອກຄົ້ນຫາເຮືອບິນໂດຍສານຖ້ຽວ MH370 ຂອງບໍລິສັດການບິນມາເລເຊຍທີ່ຫາຍສາບສູນໄປໃຫ້ຮູ້ວ່າ, ທ່ານຮູ້ສຶກປະທັບໃຈຫຼາຍຕໍ່ການຮ່ວມມືສາກົນທີ່ມີຄຸນນະພາບສູງໃນການເຄື່ອນໄຫວຊອກຄົ້ນຫາໃນເທື່ອນີ້,ແລະທ່ານຂໍຕາງໜ້າລັດຖະບານອົສຕຣາລີຂອບໃຈນຳຈີນທີ່ໄດ້ທຳຄວາມພະຍາຍາມຢ່າງໃຫຍ່ຫຼວງເຂົ້າໃນການຊອກຄົ້ນຫາ. ປັດຈຸບັນ, ປະເທດຕ່າງໆທີ່ເຂົ້າຮ່ວມການເຄື່ອນໄຫວຊອກຄົ້ນຫາຍັງສືບຕໍ່ດຳເນີນການຊອກຄົ້ນຫາທາງທະເລແລະທາງອາກາດ, ບໍ່ມີປະເທດໃດໄດ້ຖອນອອກຈາກການເຄື່ອນໄຫວຊອກຄົ້ນຫາ.

1 2 3