ກອງເລຂາຮ່ວມມືຈີນ-ຍີ່ປຸ່ນ-ສ ເກົາຫຼີ ໄດ້ຈັດເວທີປຶກສາຫາລືສາກົນການຮ່ວມມືສາມປະເທດຢູ່ນະຄອນຫຼວງເຊອູນຂອງສ ເກົາຫຼີໃນວັນທີ 15 ເມສານີ້. ກອງປະຊຸມເວທີປຶກສາຫາລືປະຈຳປີ 2014ນີ້ມີຫົວຂໍ້ວ່າ, ມີຈຸດຮ່ວມກັນຈາກຄວາມແຕກຕ່າງກັນ--- ສ້າງຈິດສຳນຶກຍອມຮັບຖານະອາຊີຕາເວັນອອກແລະຈິດສຳນຶກປະຊາຄົມ.
ເວທີປຶກສາຫາລືສາກົນການຮ່ວມມືຈີນ-ຍີ່ປຸ່ນ-ສ ເກົາຫຼີແມ່ນຈັດຂຶ້ນໂດຍການເປັນເຈົ້າພາບຂອງກອງເລຂາການຮ່ວມມືຈີນ-ຍີ່ປຸ່ນ-ສ ເກົາຫຼີທີ່ສ້າງຕັ້ງຂຶ້ນເມື່ອປີ 2011. ແຕ່ປີ 2012 ເປັນຕົ້ນມາໄດ້ຈັດຂຶ້ນປີລະຄັ້ງ. ມີຈຸດປະສົງເພື່ອອຳນວຍເວທີໃຫ້ແກ່ບຸກຄົນວົງການການເມືອງແລະວິຊາການຂອງສາມປະເທດໃນການແລກປ່ຽນຄວາມເຫັນແລະປຶກສາຫາລືກ່ຽວບັນຫາການຮ່ວມມືໃນພາກພື້ນ. ແຕ່ວ່າ, ພາຍໃຕ້ສະພາບທີ່ການພົວພັນທາງການເມືອງລະຫວ່າງສາມປະເທດໄດ້ຕົກລົງເຖິງຈຸດຕ່ຳສຸດໃນປັດຈຸບັນ, ການທີ່ຈະສືບຕໍ່ດຳເນີນການຮ່ວມມືໃນຂົງເຂດຕ່າງໆໄດ້ແນວໃດໄດ້ກາຍເປັນບັນຫາຫຍຸ້ງຍາກ.