ຕາມຂ່າວສານຊີນຮວາ: ທ່ານສີຈິ້ນຜິງ, ເລຂາທິການໃຫຍ່ຄະນະກຳມະການສູນກາງພັກຄອມມູນິດຈີນ, ປະທານປະເທດ, ປະທານຄະນະກຳມະການການທະຫານສູນກາງຈີນທັງເປັນປະທານຄະນະກຳມະການຄວາມໝັ້ນຄົງແຫ່ງຊາດສູນກາງຈີນໄດ້ເປັນປະທານກອງປະຊຸມຄະນະກຳມະການຄວາມໝັ້ນຄົງແຫ່ງຊາດສູນກາງຈີນຄັ້ງທຳອິດໃນຕອນເຊົ້າວັນທີ 15 ເມສານີ້. ໃນກອງປະຊຸມຄັ້ງນີ້, ທ່ານສີຈິ້ນຜິງກ່າວເນັ້ນວ່າ, ຕ້ອງກຳແໜ້ນຈຸດພິເສດໃໝ່ແລະທ່າອ່ຽງໃໝ່ແຫ່ງການປ່ຽນແປງຂອງສະຖານະການຄວາມໝັ້ນຄົງແຫ່ງຊາດຢ່າງຖືກຕ້ອງ, ຍຶດຖືທັດສະນະຄວາມໝັ້ນຄົງແຫ່ງຊາດໂດຍລວມ, ເປີດເສັ້ນທາງຄວາມໝັ້ນຄົງແຫ່ງຊາດທີ່ມີເອກະລັກພິເສດຂອງຈີນສາຍໜຶ່ງ.
ທ່ານສີຈິ້ນຜິງຊີ້ອອກວ່າ, ປະຈຸບັນ, ຕ້ອງຍຶດຖືທັດສະນະຄວາມໝັ້ນຄົງແຫ່ງຊາດໂດຍລວມ, ຖືຄວາມປອດໄພຂອງປະຊາຊົນເປັນຈຸດປະສົງ, ຖືຄວາມໝັ້ນຄົງທາງການເມືອງເປັນຫຼັກ, ຖືຄວາມໝັ້ນທ່ຽງທາງດ້ານເສດຖະກິດເປັນພື້ນຖານ, ຖືຄວາມໝັ້ນຄົງທາງການທະຫານ, ວັດທະນະທຳ ແລະຄວາມສະຫງົບທາງສັງຄົມເປັນສິ່ງ ຄ້ຳປະກັນ, ຖືການຊຸກຍູ້ຄວາມໝັ້ນຄົງຂອງໂລກເປັນສິ່ງອ້າງອີງ, ເພື່ອເປີດເສັ້ນທາງຄວາມໝັ້ນຄົງແຫ່ງຊາດທີ່ມີເອກະລັກພິເສດຂອງຈີນສາຍໜຶ່ງ, ຕ້ອງໃຫ້ຄວາມສຳຄັນຕໍ່ຄວາມໝັ້ນຄົງທາງພາຍນອກດ ທັງໃຫ້ຄວາມສຳຄັນຕໍ່ຄວາມໝັ້ນຄົງທາງພາຍໃນ, ຕ້ອງໃຫ້ຄວາມສຳຄັນຕໍ່ຄວາມໝັ້ນຄົງຂອງດິນແດນແຫ່ງຊາດ, ທັງໃຫ້ຄວາມສຳຄັນຕໍ່ຄວາມປອດໄພຂອງປະຊາຊົນ, ຍຶດໝັ້ນຖືປະຊາຊົນເປັນກົກ, ຖືຄົນເປັນກົກ, ຍຶດໝັ້ນຄວາມໝັ້ນຄົງແຫ່ງຊາດ, ທຸກສິ່ງທຸກຢ່າງມາຈາກປະຊາຊົນແລະເພື່ອປະຊາຊົນ.
 |
