ທ່ານຊິນກ່າງ ໂຄສົກກະຊວງການຕ່າງປະເທດຈີນໄດ້ກ່າວໃນກອງປະຊຸມຂ່າວທີ່ຈັດຂຶ້ນໃນວັນທີ 23 ເມສານີ້ວ່າ, ໃນກໍລະນີທີ່ທ່ານບາຣັກໂອບາມາ ປະທານາທິບໍດີອາເມລິກາກ່າວວ່າເກາະຕ້ຽວຢູເໝາະໃຊ້ກັບສົນທິສັນຍາວ່າດ້ວຍການຮັບປະກັນຄວາມໝັ້ນຄົງລະຫວ່າງຍີ່ປຸ່ນກັບອາເມລິກາ, ຈີນເດັດດ່ຽວຄັດຄ້ານການຖືເກາະຕ້ຽວຢູເປັນເປົ້າໝາຍທີ່ເໝາະໃຊ້ກັບສົນທິສັນຍາວ່າດ້ວຍການຮັບປະກັນຄວາມໝັ້ນຄົງລະຫວ່າງຍີ່ປຸ່ນກັບອາເມລິກາ, ພ້ອມດຽວກັນນັ້ນ, ອາເມລິກາຄວນເຄົາລົບແລະປະຕິບັດຕາມຄຳໝັ້ນສັນຍາຂອງຕົນທີ່ວ່າ, ຈະບໍ່ເຂົ້າຂ້າງຝ່າຍໃດຝ່າຍໜຶ່ງໃນບັນຫາກ່ຽວກັບອຳນາດອະທິປະໄຕທາງດ້ານດິນແດນ.
ທ່ານຊິນກ່າງຊີ້ອອກວ່າ, ພັນທະມິດຍີ່ປຸ່ນອາເມລິກາເປັນການຈັດວາງລະຫວ່າງສອງຝ່າຍທີ່ເກີດຂຶ້ນໃນສະໄໝສົງຄາມເຢັນ, ບໍ່ຄວນສ້າງຜົນເສຍຫາຍໃຫ້ແກ່ຜືນແຜ່ນດິນ,ອະທິປະໄຕ,ສິດແລະຜົນປະໂຫຍດທີ່ຖືກຕ້ອງຕາມກົດໝາຍຂອງຈີນ, ຈີນເດັດດ່ຽວຄັດຄ້ານການຖືເກາະຕ້ຽວຢູເປັນເປົ້າໝາຍທີ່ເໝາະໃຊ້ກັບສົນທິສັນຍາວ່າດ້ວຍການຮັບປະກັນຄວາມໝັ້ນຄົງລະຫວ່າງຍີ່ປຸ່ນກັບອາເມລິກາ. ອາເມລິກາຄວນເຄົາລົບຄວາມເປັນຈິງ, ເຄົາລົບປະຕິບັດຕາມຄຳໝັ້ນສັນຍາຂອງຕົນດ້ວຍທ່າທີທີ່ມີຄວາມຮັບຜິດຊອບ,ແລະຄວນເສີມຂະຫຍາຍບົດບາດທີ່ມີລັກສະນະສ້າງສັນຢ່າງແທ້ຈິງເພື່ອຮັກສາສັນຕິພາບແລະສະເຖຍລະພາບຂອງພາກພື້ນ.
 |
