ວັນທີ 23 ເມສານີ້, ສູນປະສານງານຮ່ວມຂອງອົສຕຣາລີກ່າວວ່າ, ປັດຈຸບັນ, ການຊອກຄົ້ນຫາເຮືອບິນໂດຍສານທີ່ຫາຍສາບສູນໄປຂອງມາເລເຊຍຢູ່ໃຕ້ນ້ຳທະເລໄດ້ສຳເລັດໄປແລ້ວຫຼາຍກວ່າ 80%, ຍານດຳນ້ຳທີ່ບໍ່ມີຄົນຂັບ "Bluefin-21"ໄດ້ສຳເລັດການປະຕິບັດໜ້າທີ່ຊອກຄົ້ນຫາຢູ່ໃຕ້ນ້ຳທະເລ 10 ເທື່ອ. ມາຮອດປັດຈຸບັນ, ຍັງບໍ່ທັນໄດ້ພົບເຫັນຂໍ້ມູນຫຼືສິ່ງຂອງທີ່ກ່ຽວກັບເຮືອບິນໂດຍສານຖ້ຽວບິນ MH370 ຂອງບໍລິສັດການບິນມາເລເຊຍເທື່ອ.
ທ່ານເດວິດ ຈອນສຕັນ ລັດຖະມົນຕີວ່າການກະຊວງປ້ອງກັນປະເທດອົສຕຣາລີກ່າວວ່າ, ອົສຕຣາລີກຳລັງປຶກສາຫາລືກັບຈີນ, ມາເລເຊຍແລະອາເມລິກາ, ຄາດວ່າຈະປະກາດແຜນການຊອກຄົ້ນຫາ ຫຼ້າສຸດໃນອາທິດໜ້າ.