ວັນທີ 23 ເມສານີ້, ທ່ານຢາມາກູຊິ ນາຊຸໂອະ, ແກນນໍາພັກນິວໂກເມໂຕຍີ່ປຸ່ນ ທີ່ເປັນພັກຮ່ວມລັດຖະບານຍີ່ປຸ່ນ ໄດ້ຕໍາໜິທ່ານຊິນໂຈ ອາເບະ, ນາຍົກລັດຖະມົນຕີຍີ່ປຸ່ນ ມີເຈດຕະນາຢາກຍົກເລີກຄໍາສັ່ງຫ້າມສິດປ້ອງກັນຕົນເອງລວມໝູ່ດ້ວຍການປ່ຽນວິທີ.
ທ່ານຢາມາກູຊິ ນາຊູໂອະໄດ້ກ່າວໃນລາຍການໂທລະພາບໃນຕອນຄໍ່າມື້ດຽວກັນວ່າ, ທ່ານຊິນໂຈ ອາເບະມີເຈດຕະນາຢາກຍົກເລີກຄໍາສັ່ງຫ້າມສິດປ້ອງກັນຕົນເອງລວມໝູ່ດ້ວຍວິທີທີ່ລັດຖະບານປ່ຽນການຕີຄວາມຂໍ້ມາດຕາລັດຖະທໍາມະນູນ, ນີ້ແມ່ນການກະທໍາຝ່າຍດຽວທີ່ເບິ່ງຂ້າມເຈຕະນາລົມຂອງປະຊາຊົນ ເຊິ່ງໄດ້ລະເມີດຈິດໃຈຂອງລັດຖະທໍາມະນູນ.
ພັກນິວໂກເມໂຕເປັນພັກຮ່ວມລັດຖະບານຂອງພັກເສລີປະຊາທິປະໄຕທີ່ນໍາໂດຍທ່ານຊິນໂຈ ອາເບະ, ແຕ່ມີຂໍ້ຂັດແຍ້ງກັນໃນດ້ານສິດປ້ອງກັນຕົນເອງລວມໝູ່ ແລະນະໂຍບາຍຮັກສາຄວາມໝັ້ນຄົງອື່ນໆ.