ຕອນຄໍ່າວັນທີ 23 ເມສານີ້, ທ່ານບາຣັກ ໂອບາມາ, ປະທານາທິບໍດີອາເມລິກາໄດ້ເດີນທາງໄປເຖິງນະຄອນຫຼວງໂຕກຽວຂອງຍີ່ປຸ່ນ, ເລີ່ມຢ້ຽມຢາມຍີ່ປຸ່ນທາງລັດຖະກິດ ແລະຈະຈັດການພົບປະເຈລະຈາຂັ້ນສຸດຍອດກັບທ່ານຊິນໂຈ ອາເບະ,ນາຍົກລັດຖະມົນຕີຍີ່ປຸ່ນໃນວັນທີ 24 ເມສານີ້.
ຕາມຕາຕະລາງຢ້ຽມຢາມທີ່ລັດຖະບານຍີ່ປຸ່ນເປີດເຜີຍກ່ອນໜ້ານີ້, ໃນຕອນເຊົ້າວັນທີ 24 ເມສານີ້, ທ່ານໂອບາມາຈະເຂົ້າຮ່ວມພິທີຕ້ອນຮັບທີ່ຈັດຂຶ້ນຢູ່ພະລາຊະວັງຍີ່ປຸ່ນແລະພົບປະກັບເຈົ້າຈັກກະພັດຍີ່ປຸ່ນພ້ອມດ້ວຍລາຊີນີ. ຫຼັງຈາກນັ້ນ, ທ່ານໂອບາມາຈະພົບປະເຈລະຈາກັບທ່ານຊິນໂຈ ອາເບະ ແລະຖະແຫຼງຂ່າວຮ່ວມ. ນອກນີ້, ໃນມື້ດຽວກັນ, ຢູ່ນະຄອນຫຼວງໂຕກຽວ, ທ່ານໂອບາມາຍັງຈະເຂົ້າຮ່ວມກິດຈະກໍາຕ່າງໆ ເຊັ່ນການທ່ຽວຊົມສະຖານທີ່ຕ່າງໆ, ງານລ້ຽງຕ້ອນຮັບຢູ່ພະລາຊະວັງ ແລະອື່ນໆ ແລະເດີນທາງໄປ ສ.ເກົາຫຼີໃນຕອນເຊົ້າວັນທີ 25 ເມສານີ້.
