ວັນທີ 23 ເມສານີ້, ທ່ານຟຣານຄ໌-ວານເຕີ ສະເຕອິນເມເອີ, ລັດຖະມົນຕີວ່າການກະຊວງການຕ່າງປະເທດເຢຍລະມັນ ແລະທ່ານລໍເຣັນທ໌ ຟາບິອູສ, ລັດຖະມົນຕີວ່າການກະຊວງການຕ່າງປະເທດຝຣັ່ງ ໄດ້ຮ່ວມກັນເດີນທາງໄປຢ້ຽມຢາມມົນໂດວາ, ຈົງເຈຍ ແລະປະເທດອື່ນໆ ທີ່ເປັນປະເທດໃກ້ຄຽງອູແກຣນ ເພື່ອຮັບຮູ້ວິກິດການອູແກຣນມີຜົນກະທົບຫຍັງຕໍ່ປະເທດເຫຼົ່ານີ້.
ມື້ດຽວກັນ, ກະຊວງການຕ່າງປະເທດເຢຍລະມັນໄດ້ອອກຖະແຫຼງການວ່າ, ເຢຍລະມັນແລະຝຣັ່ງຈະສືບຕໍ່ແກ້ໄຂການປະທະກັນຢູ່ອູແກຣນຈົນສຸດຄວາມສາມາດຂອງຕົນ, ສອງປະເທດມີຄວາມເຫັນເປັນເອກະສັນວ່າ, ຕ້ອງແກ້ໄຂການປະທະກັນຢູ່ອູແກຣນດ້ວຍຊ່ອງທາງການຕ່າງປະເທດ. ຖະແຫຼງການກ່າວວ່າ, ເຢຍລະມັນແລະຝຣັ່ງມີຄວາມເປັນຫ່ວງຕໍ່ປະເທດຄູ່ຮ່ວມມືທີ່ຢູ່ພາກຕາເວັນອອກຂອງເອີຣົບທີ່ໄດ້ຮັບຜົນກະທົບຈາກວິກິດການອູແກຣນ.