ວັນທີ 23 ເມສານີ້, ທ່ານຟ້ານສາງຫຼົງ, ຮອງປະທານຄະນະກຳມະການທະຫານສູນກາງຈີນໄດ້ພົບປະກັບຫົວໜ້າຄະນະຜູ້ແທນກອງທັບເຮືອຕ່າງໆທີ່ມາເຂົ້າຮ່ວມກອງປະຊຸມປະຈຳປີຂອງເວທີປຶກສາຫາລືກອງທັບເຮືອປາຊີຟິກຕາເວັນຕົກຄັ້ງທີ 14 ຢູ່ນະຄອນຊິງຕາວ.
ທ່ານຟ້ານສາງຫຼົງກ່າວວ່າ, ເລີ່ມແຕ່ກອງປະຊຸມປະຈຳປີຂອງເວທີປຶກສາຫາລືກອງທັບເຮືອປາຊີຟິກຕາເວັນຕົກສ້າງຕັ້ງຂຶ້ນມານີ້, ໄດ້ເສີມຂະຫຍາຍບົດບາດອັນຕັ້ງໜ້າໃນການຊຸກຍູ້ການແລກປ່ຽນແລະການຮ່ວມມືດ້ານຄວາມປອດໄພທາງທະຫານທາງລະເລຂອງພາກພື້ນ. ກອງທັບເຮືອຈີນຈະເປີດກວ້າງການຮ່ວມມືທີ່ຕິດແທດຕົວຈິງ, ຕັ້ງໜ້າເຂົ້າຮ່ວມການຮ່ວມມືຄວາມປອດໄພທາງທະເລສາກົນ, ຫາບແບກໜ້າທີ່ຮັບຜິດຊອບແລະພັນທະສາກົນຫຼາຍກວ່າເກົ່າ, ປະກອບສ່ວນຫຼາຍກວ່າເກົ່າເພື່ອຊຸກຍູ້ການສ້າງທະເລທີ່ກົມກຽວກັນ.
ມື້ດຽວກັນ, ທ່ານຟ້ານສາງຫຼົງຍັງໄດ້ພົບປະກັບຜູ້ບັນຊາການກອງທັບເຮືອມາເລເຊຍແລະບັນຊາການຂອງກອງທັບເຮືອປາກີສະຖານ.
 |
