ວັນທີ 24 ເມສານີ້ ທ່ານຢາງຢີຈູ່ນ ໂຄສົກກະຊວງປ້ອງກັນປະເທດຈີນກ່າວວ່າ: "ໃນກອງປະຊຸມປະຈຳປີຄັ້ງທີ 14 ຂອງເວທີປຶກສາຫາລືກອງທັບເຮືອມະຫາສະໝຸດປາຊິຟິກຕາເວັນຕົກທີ່ຫາກໍສິ້ນສຸດລົງຢູ່ນະຄອນຊິ່ງດາວ ໄດ້ກ່າວຢ່າງແທ້ຈິງເຖິງຄວາມອາດເປັນໄປໄດ້ທີ່ເກີດເຫດຍິງກັນລະຫວ່າງຈີນກັບຍີ່ປຸ່ນ. ກອງທັບຈີນແມ່ນຍຶດໝັ້ນຫຼັກການທີ່ວ່າ ເຂົາບໍ່ລ່ວງລ້ຳຂ້ອຍ ຂ້ອຍກໍຈະບໍ່ລ່ວງລ້ຳເຂົາ, ແຕ່ຖ້າເຂົາລ່ວງລ້ຳຂ້ອຍແລ້ວ, ຂ້ອຍກໍຈະຕ້ອງລ່ວງລ້ຳເຂົາຢ່າງແນ່ນອນ. ແລະຈະເດັດດ່ຽວປ້ອງກັນອະທິປະໄຕແລະຜືນແຜ່ນດິນອັນຄົບຖ້ວນແຫ່ງຊາດ."
ນອກນີ້ ທ່ານຢາງຢີຈູ່ນຍັງກ່າວຕື່ມວ່າ, ກອງທັບຈີນແມ່ນເສົາຄ້ຳທີ່ເຂັ້ມແຂງໃນການປົກປັກຮັກສາຄວາມໝັ້ນຄົງຂອງຊາດ. ພວກຂ້າພະເຈົ້າຈະອີງຕາມການຈັດວາງທີ່ເປັນເອກະພາບກັນ, ປະສານສົມທົບກັບພາກສ່ວນທີ່ກ່ຽວຂ້ອງ, ຮ່ວມກັນປົກປັກຮັກສາຄວາມໝັ້ນຄົງຂອງປະເທດຊາດໃຫ້ດີ.