ໂດຍແນໃສ່ສະຖານະການເຄັ່ງຕຶງຢູ່ທະເລຈີນໃຕ້ໃນຫຼາຍເດືອນຜ່ານມາຈະກະທົບເຖິງສາຍພົວພັນດ້ານການຄ້າລະຫວ່າງຈີນກັບຫວຽດນາມຫຼືບໍ່? ທ່ານເສິນໂຈ່ວ ຫົວໜ້າກົມອາຊີກະຊວງການຄ້າຈີນໄດ້ໃຫ້ທັດສະນະຢູ່ໃນງານຖະແຫຼງຂ່າວຂອງງານວາງສະແດງສິນຄ້າຈີນ-ອາຊຽນທີ່ຈັດຂຶ້ນໂດຍຫ້ອງການຖະແຫຼງຂ່າວລັດຖະບານຈີນໃນວັນທີ 22 ກໍລະກົດນີ້ຢູ່ນະຄອນຫຼວງປັກກິ່ງວ່າ, ດຽວນີ້ມັນບໍ່ສາມາດເວົ້າໄດ້ວ່າບັນຫາທະເລຈີນແມ່ນບັນຫາລະຫວ່າງຈີນກັບອາຊຽນ, ຈີນຄັດຄ້ານມາໂດຍຕະຫຼອດຕໍ່ບາງປະເທດທີ່ມີເຈດຕະນາຢາກສວຍໃຊ້ບັນຫາທະເລຈີນໃຕ້ເພື່ອທຳລາຍສະພາບລວມແຫ່ງການຮ່ວມມືລະຫວ່າງຈີນກັບອາຊຽນ.
ທ່ານເສິນໂຈ່ວກ່າວເນັ້ນວ່າຝ່າຍຈີນຫວັງໃຫ້ປະເທດທີ່ກ່ຽວຂ້ອງຈະສາມາດຖືສະພາບລວມແຫ່ງການຮ່ວມມືລະຫວ່າງຈີນກັບອາຊຽນເປັນສຳຄັນ, ສ້າງບັນຍາກາດທີ່ດີເພື່ອການຮ່ວມມືລະຫວ່າງສອງຝ່າຍ. ແຕ່ວ່າ, ທ່ານເສິນໂຈ່ວບໍ່ໄດ້ເຜີຍໃຫ້ຮູ້ຂໍ້ມູນລະອຽດກ່ຽວກັບການຄ້າຈີນ-ຫວຽດນາມຈະໄດ້ຮັບຜົນກະທົບຫຼືບໍ່.
 |
