ຈີນກ່າວວ່າ ອົງການການບິນພົນລະເຮືອນສາກົນຄວນເສີມຂະຫຍາຍບົດບາດທີ່ສຳຄັນເຂົ້າໃນການສືບສວນເຫດການອຸບັດເຫດຍົນຕົກ
2014-07-22 11:47:24 cri
ວັນທີ 21 ກໍລະກົດນີ້, ທ່ານລີວເຈອີ່, ຜູ້ຕາງໜ້າຖາວອນຂອງຈີນປະຈຳອົງການສະຫະປະຊາຊາດກ່າວວ່າ, ຈີນສະໜັບສະໜູນໃຫ້ດຳເນີນການສືບສວນທີ່ເປັນອິດສະຫຼະ, ຍຸຕິທຳແລະພາວະວິໄສຕໍ່ເຫດການຍົນໂດຍສານຂອງບໍລິສັດການບິນມາເລເຊຍຕົກ. ອົງການການບິນພົນລະເຮືອນໃນຖານະເປັນອົງການວິຊາການຂອງອົງການສະຫະປະຊາຊາດທີ່ປະຕິບັດໜ້າທີ່ແກ້ໄຂບັນຫາໃນວຽກງານທີ່ກ່ຽວຂ້ອງໃນຂົງເຂດການບິນພົນລະເຮືອນສາກົນ, ຄວນເສີມຂະຫຍາຍບົດບາດທີ່ສຳຄັນຢ່າງເຕັມສ່ວນເຂົ້າໃນການສືບສວນສາກົນ. ຈີນຮຽກຮ້ອງໃຫ້ຝ່າຍຕ່າງໆທີ່ກ່ຽວຂ້ອງຈົ່ງໃຫ້ການປະສານສົມທົບແລະຮ່ວມມືເຂົ້າໃນການສືບສວນສາກົນ.