ທ່ານຊິນໂຈະ ອາເບະມີແຜນຈະປັບປຸງຄະນະລັດຖະບານຢ່າງຂະໜາດໃຫຍ່ໃນເດືອນກັນຍາຂອງປີນີ້

ຕາມສື່ມວນຊົນຍີ່ປຸ່ນລາຍງານວ່າ, ທ່ານຊິນໂຈະ ອາເບະ, ນາຍົກລັດຖະມົນຕີຍີ່ປຸ່ນມີແຜນຈະປັບປຸງຄະນະລັດຖະບານໃນຕົ້ນເດືອນກັນຍາຂອງປີນີ້, ຮອດເວລານັ້ນ, ຈະປ່ຽນລັດຖະມົນຕີຈຳນວນຫຼາຍກວ່າເຄິ່ງໜຶ່ງ. ນີ້ຈະແມ່ນທ່ານດຳເນີນການປັບລັດຖະບານຊຸດໃໝ່ຄັ້ງທຳອິດນັບແຕ່ທ່ານດຳລົງຕຳແໜ່ງນາຍົກລັດຖະມົນຕີຍີ່ປຸ່ນຄັ້ງທີ 2 ໃນເດືອນທັນວາປີ 2012 ເປັນຕົ້ນມາ.

ທ່ານຊິນໂຈະ ອາເບະໄດ້ດຳລົງຕຳແໜ່ງນາຍົກລັດຖະມົນຕີຍີ່ປຸ່ນຄັ້ງທີ 2 ເລີ່ມແຕ່ວັນທີ 26 ທັນວາຂອງປີ 2012, ມາຮອດປະຈຸບັນ, ລັດຖະບານຂອງທ່ານຊິນໂຈະ ອາເບະຍັງບໍ່ໄດ້ປ່ຽນສະມາຊິກເທື່ອ, ເວລາທີ່ດົນຈົນໄດ້ສ້າງສະຖິຕິໃໝ່ຫຼັງສົງຄາມໂລກຄັ້ງທີ 2 ຂອງຍີ່ປຸ່ນຢ່າງບໍ່ຢຸດຢັ້ງ. ຫາງສຽງທົ່ວໄປເຫັນວ່າ, ຍ້ອນວ່າມະຕິຂອງລັດຖະບານກ່ຽວກັບການຍົກເລີກການຫ້າມໃຊ້ສິດປ້ອງກັນຕົວແບບລວມໝູ່ໄດ້ຮັບການຕຳນິຈາກວົງການຕ່າງໆພາຍໃນສັງຄົມ, ທ່ານຊິນໂຈະ ອາເບະຫວັງວ່າຈະສາມາດເພີ່ມທະວີການບໍລິຫານຂອງອຳນາດປົກຄອງໃຫ້ດີຂຶ້ນໂດຍຜ່ານການປັບລັດຖະບານ.