ຕາມຂ່າວສານ Interfax ລາຍງານໃນວັນທີ 22 ກໍລະກົດນີ້ວ່າ, ຕອນຂ້ອນແຈ້ງວັນທີ 22 ກໍລະກົດນີ້, ຫົວໜ້າກຸ່ມປະກອບອາວຸດປະຊາຊົນທ້ອງຖິ່ນຢູ່ພາກຕາເວັນອອກຂອງອູແກຣນຄືທ່ານອາເລັກຊັນເດີ ໂບໂຣໄດ, ນາຍົກລັດຖະມົນຕີສາທາລະນະລັດປະຊາຊົນໂດເນັດສ໌ຄາຢາໄດ້ສົ່ງກັບດຳຂອງຍົນໂດຍສານຖ້ຽວບິນ MH17 ຂອງບໍລິສັດການບິນມາເລເຊຍທີ່ຕົກໃຫ້ແກ່ຝ່າຍມາເລເຊຍແລ້ວ.
ການລາຍງານໄດ້ນຳເອົາຄຳເວົ້າຂອງທ່ານອາເລັກຊັນເດີ ໂບໂຣໄດມາລາຍງານວ່າ, ອີງຕາມບົດບັນທຶກຄວາມເຂົ້າໃຈກ່ຽວກັບການມອບຮັບກັບດຳທີ່ສອງຝ່າຍເຊັນກັນ, ຝ່າຍມາເລເຊຍຄວນສົ່ງກັບດຳໃຫ້ແກ່ຊ່ຽວຊານຂອງອົງການການບິນພົນລະເຮືອນສາກົນ.
ຕອນຂ້ອນແຈ້ງວັນທີ 22 ກໍລະກົດນີ້, ທ່ານນາຈິບ ຕຸນ ຣາຊັກ, ນາຍົກລັດຖະມົນຕີມາເລເຊຍກ່າວໃນກອງປະຊຸມຂ່າວທີ່ຈັດຂຶ້ນຢູ່ປູຕຣາຈາຢາວ່າ, ທ່ານໄດ້ບັນລຸຄວາມເຫັນທີ່ເປັນເອກະພາບກັນ 3 ຂໍ້ກັບທ່ານອາເລັກຊັນເດີ ໂບໂຣໄດໃນຕອນຄ່ຳວັນທີ 21 ກໍລະກົດນີ້. ໃນນັ້ນ, ຂໍ້ທີ 2 ແມ່ນ, ກຸ່ມປະກອບອາວຸດຂອງປະຊາຊົນທ້ອງຖິ່ນເຫັນດີມອບກັບດຳສອງກັບທີ່ເຂົາເຈົ້າໃຫ້ແກ່ທີມມາເລເຊຍຢູ່ໂດເນັດສຄ໌ໃນເວລາປະມານ 21 ໂມງຂອງວັນທີ 21 ກໍລະກົດນີ້ຕາມເວລາຂອງອູແກຣນ, ແລະຈະໃຫ້ທີມງານຂອງມາເລເຊຍຮັກສາໄວ້.