ຕາມຂ່າວCRI: ໃນຕອນຄ່ຳເວລາ 9 ໂມງຂອງວັນທີ 21 ກໍລະກົດນີ້, ທ່ານສີຈິ້ນຜິງ, ປະທານປະເທດຈີນໄດ້ເດີນທາງດ້ວຍຍົນພິເສດເຖິງນະຄອນຫຼວງລາຮາວານຂອງກູບາ, ເພື່ອເລີ່ມ ຢ້ຽມຢາມກູບາທາງລັດຖະກິດເປັນຄັ້ງທຳອິດ.
ທ່ານສີຈິ້ນຜິງເຄີຍເດີນທາງໄປຢ້ຽມຢາມກູບາໃນເດືອນມິຖຸນາປີ 2011. ພາຍຫຼັງ 3 ປີຜ່ານໄປທ່ານໄດ້ເດີນທາງມາຢ້ຽມຢາມກູບາອີກເທື່ອໃໝ່, ໂອກາດການຢ້ຽມຢາມຄັ້ງນີ້ທ່ານສີຈິ້ນຜິງຈະຈັດການພົບປະເຈລະຈາກັບທ່ານຣາອູນ ກາສໂຕຼ, ປະທານຄະນະກໍາມະການວຽກງານແຫ່ງລັດທັງເປັນປະທານສະພາລັດຖະມົນຕີຂອງສາທາລະນະລັດກູບາ,ຈະກຳນົດທິດທາງແລະແຜນການຂອງການພັດທະນາການພົວພັນລະຫວ່າງຈີນກັບກູບາໃນລະດັບຍຸດທະສາດແລະໄລຍະຍາວ. ສອງຝ່າຍຈະເຊັນສັນຍາຮ່ວມມືຫຼາຍສະບັບໃນຂົງເຂດເສດຖະກິດການຄ້າ, ກະສິກຳ, ເຕັກໂນໂລຊີຊີວະພາບ, ວັດທະນະທຳ, ການສຶກສາແລະຂົງເຂດອື່ນໆ.
ທ່ານສີຈິ້ນຜິງຍັງຈະເດີນທາງໄປຢ້ຽມຢາມນະຄອນຫຼວງຊັງຕີອາໂກຂອງຈີເລໂດຍມີຜູ້ນຳກູບາເປັນເພື່ອນພາທາງ.
 |
