ການອອກກຳລັງກາຍສາມາດປ້ອງກັນບໍ່ໃຫ້ຜູ້ເຖົ້າເປັນພະຍາດສະໝອງເຊື່ອມແມ່ນເລື່ອງທີ່ຮູ້ໂດຍທົ່ວໄປ. ຜົນການຄົ້ນຄ້ວາຫຼ້າສຸດຂອງໜ່ວຍງານຄົ້ນຄ້ວາຍີ່ປຸ່ນສະແດງໃຫ້ເຫັນວ່າ, ທັງອອກກຳລັງກາຍທັງຟັງດົນຕີໄປນຳ, ມີຜົນດີຫຼາຍກວ່າເກົ່າຕໍ່ການປ້ອງກັນບໍ່ໃຫ້ຜູ້ເຖົ້າເປັນພະຍາດສະໝອງເຊື່ອມ.
ໜ່ວຍງານຄົ້ນຄ້ວາຂອງມະຫາວິທະຍາໄລມິເອະ (MIE UNIVERSITY)ຍີ່ປຸ່ນໄດ້ດຳເນີນການສຳຫຼວດຕໍ່ຜູ້ເຖົ້າ119ຄົນທີ່ມີອາຍຸ65ປີຂຶ້ນໄປແລະມີສຸຂະພາບແຂງແຮງເປັນໄລຍະ1ປີ. ຜູ້ເຖົ້າເຫຼົ່ານີ້ຖືກແບ່ງເປັນ3ໜ່ວຍ, ໜ່ວຍທີໜຶ່ງ ອອກກຳລັງກາຍທັງຟັງດົນຕີໄປນຳ, ໜ່ວຍທີສອງອອກກຳລັງກາຍ, ໜ່ວຍທີສາມບໍ່ອອກກຳລັງກາຍ. ເນື້ອໃນການອອກກຳລັງກາຍລວມທັງ10ລາຍການ ເຊັ່ນການຍ່າງ, ການຝຶກກຳລັງຂອງກໍ້າເນື້ອແລະອື່ນໆ.
ຫຼັງຈາກນັ້ນ1ປີກວດສຸຂະພາບແລ້ວເຫັນວ່, ໃນດ້ານຄວາມສາມາດການຄິດໄລ່ແລະຄວາມຈື່ຈຳທີ່ຄະແນມເຕັ້ມແມ່ນ30ນັ້ນ, ໜວຍທີໜຶ່ງໄດ້28,7, ໜ່ວຍທີ2ໄດ້27,8, ໜ່ວຍທີ3ໄດ້27,2.
ຜູ້ເຖົ້າຢູ່ໜ່ວຍທີໜຶ່ງສ່ວນຫຼາຍເຫັນວ່າ: "ແຕ່ກີ້ມັກລື່ມໜ້າລື່ມຫຼັງ, ດຽວນີ້ຄວາມຈື່ຈຳຍົກສູງຂຶ້ນແລ້ວ", "ຜ່ານການຝຶກກໍ້າເນື້ອທີ່ບໍ່ເຄີຍໃຊ້ເລື້ອຍໆໃນຊີວິດປະຈຳວັນ, ຮູ້ສຶກສະໝອງຄ່ອງແຄ້ວກວ່າເກົ່າ."
ໜ່ວຍງານການຄົ້ນຄ້ວາເຫັນວ່າ, ດົນຕີສາມາດຍົກສູງປະສິດທິຜົນຂອງການອອກກຳລັງກາຍ, ສ່ວນປະກອບດົນຕີເຂົ້າໃນການອອກກຳລັງກາຍບໍ່ພຽງແຕ່ແມ່ນການອອກກຳລັງກາຍລ້າໆ, ຍັງສາມາດຝຶກສະໝອງອີກ. ນອກນີ້, ດົນຕີສາມາດກະຕຸກສະໝອງ, ປັບປຸງການຮັບຮູ້ດ້ານສາຍຕາ.