ຕອນຄ່ຳວັນທີ 27 ກໍລະກົດນີ້, ກຸ່ມພັນທະມິດປົກປັກຮັກສາການເລືອກຕັ້ງທົ່ວໄປແລະຄັດຄ້ານ "ຂະບວນການຍຶດຄອງຈົ່ງຫວນ"ຮົງກົງຢືນຢັນວ່າ, ການເຄື່ອນໄຫວລົງລາຍເຊັນເພື່ອປົກປັກຮັກສາສັນຕິພາບແລະການເລືອກຕັ້ງທົ່ວໄປ, ຄັດຄ້ານຄວາມຮຸນແຮງແລະຄັດຄ້ານ "ຂະບວນການຍຶດຄອງຈົ່ງຫວນ"ໄດ້ຮັບໃບຟອມລົງລາຍເຊັນລວມທັງໝົດຫຼາຍກວ່າ 9 ແສນ 3 ໝື່ນໃບ, ເຊິ່ງໃນນັ້ນລວມທັງໃບລົງລາຍເຊັນຂອງຜູ້ທີ່ບໍ່ແມ່ນຊາວເມືອງຮົງກົງ 2201 ໃບ.
ກຸ່ມພັນທະມິດປົກປັກຮັກສາການເລືອກຕັ້ງທົ່ວໄປແລະຄັດຄ້ານ "ຂະບວນການຍຶດຄອງຈົ່ງຫວນ"ຮົງກົງໄດ້ຕັ້ງຈຸດລວບລວມໃບລົງລາຍເຊັນຂອງຊາວເມືອງຢູ່ເຂດຕ່າງໆຂອງຮົງກົງມາໄດ້ 9 ວັນລຽນຕິດ. ທ່ານໂຈ່ວຢົງ ໂຄສົກກຸ່ມພັນທະມິດກ່າວວ່າ, ວັນທີ 28 ກໍລະກົດນີ້, ທ່ານຈະພ້ອມກັບສະມາຊິກອື່ນອີກ 2 ຄົນຂອງກຸ່ມພັນທະມິດເພື່ອພົບປະກັບທ່ານນາງລິນເຈິ້ງເຢ້ເອີ ຫົວໜ້າພະແນກວຽກງານການເມືອງອົງການປົກຄອງເຂດບໍລິຫານພິເສດຮົງກົງ, ໂດຍຈະສະແດງຄວາມເຫັນຂອງຊາວເມືອງໃນການຄັດຄ້ານ "ຂະບວນການຍຶດຄອງຈົ່ງຫວນ", ແລະຍື່ນລາຍເຊັນທີ່ສາມາດລວບລວມມາໄດ້ໃຫ້ທ່ານນາງລິນເຈິ້ງເຢ້ເອີ.
ເລີ່ມແຕ່ວັນທີ 19 ກໍລະກົດນີ້ເປັນຕົ້ນມາ, ກຸ່ມພັນທະມິດປົກປັກຮັກສາການເລືອກຕັ້ງທົ່ວໄປແລະຄັດຄ້ານ "ຂະບວນການຍຶດຄອງຈົ່ງຫວນ"ຮົງກົງໄດ້ຮ່ວມກັບອົງການຈັດຕັ້ງ 1100 ກວ່າອົງການດຳເນີນການເຄື່ອນໄຫວລົງລາຍເຊັນທີ່ຈະດຳເນີນເປັນເວລາເກືອບ 1 ເດືອນ, ຈຸດປະສົງແມ່ນເພື່ອລວບລວມເອົາເຊັນໃຫ້ໄດ້ຫຼາຍກວ່າ 8 ແສນຄົນ.
 |
