ວັນທີ 27 ກໍລະກົດນີ້, ຫໍພິພິດທະພັນຈ້ຽນສວນເສສວນໄດ້ເປີດເຜີຍຫຼັກຖານໃໝ່ກ່ຽວກັບໂທດກຳຂອງທະຫານຍີ່ປຸ່ນຜູ້ຮຸກຮານຈີນໃນສະໄໝສົງຄາມໂລກຄັ້ງທີສອງເກືອບ 500 ອັນ(ຊຸດ), ເຊິ່ງໃນນັ້ນລວມທັງຈົດໝາຍຄອບຄົວ, ບົດບັນທຶກປະຈຳວັນ, ເອກະສານບັນທຶກຄຳໃຫ້ການ, ເອກກະສານ, ຈົດໝາຍໃນໄລຍະຖິ້ມລະເບີດ, ປຶ້ມຮູບໂຄສະນາຜົນງານສູ້ຮົບ, ວາລະສານພາຍໃນປະເທດຍີ່ປຸ່ນແລະຂໍ້ມູນອື່ນໆຂອງທະຫານຍີ່ປຸ່ນຜູ້ຮຸກຮານຈີນ. ໃນນັ້ນ,ຂໍ້ມູນປະຫວັດສາດອັນສຳຄັນສ່ວນໜຶ່ງແມ່ນທ່ານຟານຈ້ຽນສວນ ຫົວໜ້າຫໍພິພິດທະພັນຈ້ຽນສວນເດີນທາງໄປຍີ່ປຸ່ນຫຼາຍເທື່ອໂດຍສາມາດເກັບກຳແລະເກັບຊື້ຈາກຕະຫຼາດຢູ່ຍີ່ປຸ່ນ, ຂໍ້ມູນຈຳນວນຫຼວງຫຼາຍແມ່ນນຳມາເປີດເຜີຍເປັນເທື່ອທຳອິດ, ຂໍ້ມູນປະຫວັດສາດອັນລ້ຳຄ່າກ່ຽວກັບກອງທັບຍີ່ປຸ່ນຮຸກຮານຈີນເຫຼົ່ານີ້ຈະກາຍເປັນເນື້ອໃນຕົ້ນຕໍສຳລັບຫໍພິພິດທະພັນຈ້ຽນສວນໃນການກະກຽມສ້າງຕັ້ງຫໍວາງສະແດງຫຼັກຖານໂທດກຳຂອງທະຫານຍີ່ປຸ່ນຜູ້ຮຸກຮານຈີນ.