ວັນທີ 27 ກໍລະກົດນີ້, ທ່ານເຊີເກ ລັຟໂລຟ, ລັດຖະມົນຕີວ່າການກະຊວງການຕ່າງປະເທດຣັດເຊຍໄດ້ສົນທະນາຜ່ານທາງໂທລະສັບກັບທ່ານຈອນ ແຄຣີ, ລັດຖະມົນຕີວ່າການກະຊວງການຕ່າງປະເທດອາເມລິກາເພື່ອປຶກສາຫາລືກ່ຽວກັບສະຖານະການຂອງອູແກຣນ, ສອງຝາຍເຫັນວ່າເຂດປະທະກັນຂອງອູແກຣນຄວນຢຸດຍິງໃນທັນທີ.
ຕາມແຈ້ງການຂອງເວັບໄຊກະຊວງການຕ່າງປະເທດຣັດເຊຍແຈ້ງໃຫ້ຮູ້ວ່າ, ທ່ານເຊີເກ ລັຟໂລຟແລະທ່ານຈອນແຄຣີກ່າວວ່າ, ເຂດປະທະກັນຂອງອູແກຣນຄວນບັນລຸການຢຸດຍິງໃນທັນທີແລະເຄົາລົບຕາມຂໍ້ຕົກລົງເຊີແນວລະຫວ່າງຣັດເຊຍ, ອາເມລິກາ, ອູແກຣນ ແລະ ສະຫະພາບເອີລົບທີ່ບັນລຸຮ່ວມກັນໃນວັນທີ 17 ເມສາຂອງປີນີ້, ແລະດຳເນີນການສົນທະນາລະຫວ່າງບັນດາຝ່າຍທີ່ປະທະກັນ.
ແຈ້ງການກ່າວວ່າ, ທ່ານເຊີເກ ລັຟໂລຟກ່າວວ່າ, ຣັດເຊຍໄດ້ເຊື້ອເຊີນຜູ້ສັງເກດການຂອງອົງການຄວາມໝັ້ນຄົງແລະການຮ່ວມມືເອີລົບຫຼື OSCE ເດີນທາງໄປສະຖານນີກວດກາກູໂຄໂວແລະໂດເນັດສ໌ຂອງຣັດເຊຍເພື່ອດຳເນີນການສຳຫຼວດກວດກາ. ທ່ານເຊີເກ ລັຟໂລຟກ່າວວ່າຫວັງວ່າການສຳຫຼວດກວດກາຂອງຜູ້ສັງເກດການຂອງອົງການ OSCE ຈະບໍ່ມີອຸປະສັກໃດໆ.