ຕາມຂ່າວສານ IRNA ຂອງອີຣານລາຍງານວ່າ, ຫວ່າງມໍ່ໆມານີ້, ຢູ່ນະຄອນເຄີມານສ໌ຊາຮ໌ ຊຶ່ງເປັນເມືອງທາງພາກຕາເວັນຕົກຂອງອີຣານ ມີຜູ້ຊາຍ 5 ຄົນໄດ້ຖືກຂ້ຽນຕີຍ້ອນກິນດື່ມຢູ່ສະຖານທີ່ສາທາລະນະໃນໄລຍະຖືສິນອົດ. ໃນໄລຍະຖືສິນອົດຂອງທຸກປີ, ລັດຖະບານອີຣານຈະເຕືອນໃຫ້ປະຊາຊົນເຄົາລົບຂໍ້ກຳນົດກ່ຽວກັບການຖືສິນອົດຢ່າງເຄັ່ງຄັດ, ແຕ່ປະຈຸບັນ, ສະພາບທີ່ປະຊາຊົນກິນດື່ມໃນສະຖານທີ່ສາທາລະນະນັບມື້ນັບຮຸນແຮງຂຶ້ນຕື່ມ.
ສາສະໜາອິສລາມເຫັນວ່າ, ເດືອນຖືສິນອົດແມ່ນເດືອນທີ່ມີຄວາມບໍລິສຸດແລະສັກສິດຫຼາຍທີ່ສຸດໃນຮອບ 1 ປີ. ອີງຕາມປະເພນີຂອງ ສາສະໜາອິສລາມ, ໃນໄລຍະຖືສິນອົດ, ປະຊາຊົນທີ່ນັບຖືສາສະໜາອິສລາມບໍ່ສາມາດກິນອາຫານ, ດື່ມນ້ຳແລະສູບຢາໄດ້ໃນໄລຍະຕາເວັນຂຶ້ນຈົນເຖິງຕາເວັນລັບຟ້າ.
 |
