ວັນທີ 27 ກໍລະກົດນີ້, ກະຊວງການຕ່າງປະເທດອານເຊລີກ່າວວ່າ, ທ່ານຣາມຕາເນ ຣາມາມຣາ, ລັດຖະມົນຕີວ່າການກະຊວງການຕ່າງປະເທດອານເຊລີໄດ້ຕິດຕໍ່ພົວພັນກັບທ່ານລາວເຣັນ ຟາບຽວສ, ລັດຖະມົນຕີວ່າການກະຊວງການຕ່າງປະເທດຝຣັ່ງ, ຫວັງວ່າຝ່າຍຝຣັ່ງຈະອະທິບາຍກ່ຽວກັບຄໍາເວົ້າຂອງທ່ານຟຼັງຊົວ ໂອລອງ, ປະທານາທິບໍດີຝຣັ່ງໃນກ່ອນໜ້ານີ້.
ສື່ມວນຊົນຝຣັ່ງລາຍງານວ່າ, ຫຼັງຈາກໄດ້ພົບປະກັບຄອບຄົວຂອງຜູ້ສຍຊີວິດທີ່ເປັນສັນຊາດຝຣັ່ງໃນວັນທີ 26 ກໍລະກົດນີ້, ທ່ານໂອລອງ ກ່າວວ່າ, "ສົບຂອງຜູ້ເສຍຊີວິດທັງໝົດຢູູ່ໃນເຮືອບິນທີ່ເກີດອຸບັດເຫດຕົກລ້ວນແຕ່ຈະສົ່ງກັບຄືນຝຣັ່ງເພື່ອດໍາເນີນການສືບສວນສາເຫດຂອງອຸບັດເຫດເຮືອບິນຕົກ."ແຕ່ອີງຕາມຮີດຄອງປະເພນີດ້ານສາສະໜາຂອງອານເຊລີແລ້ວ, ຄົນທີ່ເສຍຊີວິດແລ້ວຄວນສົ່ງເມືອບ້ານເກີດໂດຍໄວເພື່ອຈັດພິທີສົ່ງສະການ.
