ວັນທີ 23 ສິງຫານີ້, ຢູ່ເກາະສະແຕທັນ(Staten Island) ນະຄອນນີວຢອກຂອງອາເມຣິກາ, ເຈົ້າໜ້າທີ່ຕຳຫຼວດໄດ້ປະຕິບັດໜ້າທີ່ຢູ່ສະຖານທີ່ຈັດການເດີນຂະບວນປະທ້ວງ. ເຊິ່ງປະຊາຊົນຫຼາຍພັນຄົນໄດ້ຈັດການເດີນຂະບວນຢູ່ເກາະສະແຕທັນຂອງນະຄອນນີວຢອກເພື່ອປະທ້ວງເຈົ້າໜ້າທີ່ຕຳຫຼວດທີ່ປະຕິບັດໜ້າທີ່ດ້ວຍຄວາມຮຸນແຮງ ແລະຮຽກຮ້ອງຄວາມຍຸຕິທຳແລະຄວາມເປັນທຳ. ວັນທີ 17 ກໍລະກົດແລ້ວນີ້,ຢູ່ເກາະສະແຕທັນ, ເອຣິກ ກາເນີ ຄົນເຊື້ອສາຍອາຟຣິກກາ ອາຍຸ 43 ປີ ຖືກເຈົ້າໜ້າທີ່ຕຳຫຼວດບີບຄໍຈົນເສຍຊີວິດຢ່າງຜິດປົກກະຕິ. ເວລານັ້ນ, ເຈົ້າໜ້າທີ່ຕຳຫຼວດສົງໄສວ່າກາເນີໄດ້ຄ້າຂາຍຢາສູບຢ່າງຜິດກົດໝາຍ, ຈິ່ງເຂົ້າຈັບກຸມລາວ. ແຕ່ເຫດການນີ້ໄດ້ກາຍເປັນສາເຫດໂດຍກົງອັນໜຶ່ງທີ່ເຮັດໃຫ້ເກີດການເດີນຂະບວນປະທ້ວງໃນຄັ້ງນີ້.