ວັນທີ 26 ສິງຫານີ້, ທ່ານເສິ້ນເຕີຢົງ ຮອງເລຂາໜ່ວຍພັກ, ຮອງປະທານຜູ້ປະຈຳການສານປະຊາຊົນສູງສຸດຈີນໄດ້ແນະນຳຈິດໃຈຂອງສູນກາງພັກກອມມູນິດຈີນກ່ຽວກັບການສືບສວນຄະດີໂຈ່ວຢົງຄ່າງແລະເນື້ອໃນຈິດໃຈຂອງຄຳປາໄສຂອງທ່ານເມີ້ງຈ້ຽນຈູ ເລຂາຄະນະກຳມະການການເມືອງແລະກົດໝາຍສູນກາງພັກທີ່ໄດ້ກ່າວຢູ່ໃນກອງປະຊຸມພະນັກງານການນຳພາກສ່ວນການເມືອງແລະກົດໝາຍສູນກາງພັກ.
ທ່ານໂຈ່ວສຽງ ປະທານສານປະຊາຊົນສູງສຸດຈີນຊີ້ໃຫ້ເຫັນວ່າ, ສູນກາງພັກຕັດສິນສືບສວນຄະດີໂຈ່ວຢົງຄ່າງ ເຊິ່ງໄດ້ສ່ອງແສງໃຫ້ເຫັນຢ່າງເຕັມສ່ວນເຖິງສູນກາງພັກໂດຍມີທ່ານສີຈິ້ນຜິງ ເປັນເລຂາທິການໃຫຍ່ ທີ່ມີຄວາມຕັດສິນໃຈຢ່າງເດັດດ່ຽວແລະຄວາມຕັ້ງໃຈຢ່າງເຂັ້ມແຂງໃນການຍຶດໝັ້ນໃຫ້ພັກຕ້ອງຄຸ້ມຄອງພັກແລະຄຸ້ມຄອງພັກຢ່າງເຂັ້ມງວດ, ແລະໄດ້ສ່ອງແສງໃຫ້ເຫັນຄວາມກ້າຫານດ້ານການເມືອງແລະຄວາມຮັບຜິດຊອບຂອງພັກກອມມູນິດຈີນທີ່ສ້າງຄວາມປອດໃສຂາວສະອາດດ້ວຍຕົນເອງແລະປ່ຽນແປງໃໝ່ດ້ວຍຕົນເອງ, ແລະໄດ້ສະແດງໃຫ້ເຫັນຢ່າງເຕັມສ່ວນວ່າຢູ່ປະເທດຈີນສັງຄົມນິຍົມບໍ່ມີອຳນາດໃດໆທີ່ຢູ່ເໜືອລະບຽບກົດໝາຍ ແລະກໍເດັດຂາດບໍ່ອະນຸຍາດໃຫ້ມີສະມາຊິກພັກຄົນໃດທີ່ຢູ່ເໜືອວິໄນພັກແລະລະບຽບກົດໝາຍ.
 |
