ວັນທີ 26 ສິງຫານີ້, ທ່ານຊາອຸດ ອັນ ໄຟເຊວ, ລັດຖະມົນຕີວ່າການກະຊວງການຕ່າງປະເທດອາຣັບບີ ຊາອຸດິດໄດ້ພົບປະເຈລະຈາກັບທ່ານໂຮສເຊັນ ອາເມຍ ອັບດູລາເຮັນ, ລັດຖະມົນຕີຊ່ວຍວ່າການກະຊວງການຕ່າງປະເທດອີຣານທີ່ໄປຢ້ຽມຢາມຢູ່ຈິດດາ ເມືອງທາງພາກຕາເວັນຕົກຂອງອາຣັບບີ ຊາອຸດິດ, ສອງຝ່າຍໄດ້ດຳເນີນການປຶກສາຫາລືກັນກ່ຽວກັບບັນຫາການພົວພັນຂອງສອງຝ່າຍລະຫວ່າງອາຣັບບີ ຊາອຸດິດ - ອີຣານ,ບັນຫາອີຣັກ,ການຂົ່ມ ຂູ່ແບບກໍ່ ການຮ້າຍທີ່ສອງ ຝ່າຍຮ່ວມ ກັນປະເຊີນ ໜ້າແລະບັນຫາອື່ນໆ. ມື້ດຽວກັນ, ກະຊວງພາຍໃນອາຣັບບີ ຊາອຸດິດປະກາດວ່າ, ຝ່າຍຕຳຫຼວດໄດ້ຈັບຕົວຜູ້ລະດົມສະມາຊິກຂອງອົງການກໍ່ການຮ້າຍຈຳນວນ 8 ຄົນ.
ນັບແຕ່ເກີດສົງຄາມພາຍໃນຊີຣີກໍ່ຄືເກີດການປະທະກັນດ້ວຍກຳລັງປະກອບອາວຸດທີ່ຮຸນແຮງພາຍໃນດິນແດນອີຣັກເປັນຕົ້ນມາ, ຊາວໜຸ່ມອາຣັບບີ ຊາອຸດິດນັບມື້ນັບຫຼາຍຂຶ້ນໄດ້ຖືກລະດົມໃຫ້ໄປເຂດເກີດສົງຄາມທີ່ມີຄວາມປັ່ນປ່ວນຢູ່ຕ່າງປະເທດເພື່ອເຂົ້າຮ່ວມສົງຄາມທີ່ ເຂົາເຈົ້າເອີ້ນວ່າ"ສົງຄາມສັກສິດ".