ສະພາແຫ່ງຊາດອິນໂດເນເຊຍຜ່ານຍັດຕິວ່າດ້ວຍພະລັງງານ ຈະອອກແຮງສຸດຂີດເພື່ອພັດທະນາພະລັງຄວາມຮ້ອນໃຕ້ດິນ

ວັນທີ 26 ສິງຫານີ້, ສະພາແຫ່ງຊາດອິນໂດເນເຊຍໄດ້ຜ່ານຍັດຕິວ່າດ້ວຍພະລັງງານສະບັບໜຶ່ງ, ຍັດຕິສະບັບນີ້ມີຈຸດປະສົງເພື່ອອອກແຮງສຸດຂີດເພື່ອພັດທະນາພະລັງຄວາມຮ້ອນໃຕ້ດິນ, ເຮັດໃຫ້ອິນໂດເນເຊຍສາມາດນຳໃຊ້ປະລິມານພະລັງຄວາມຮ້ອນໃຕ້ດິນທີ່ມີຂະໜາດໃຫຍ່ຢ່າງເຕັມສ່ວນ.

ລັດຖະບານອິນໂດເນເຊຍຫວັງວ່າພາຍຫຼັງຍັດຕິສະບັບໃໝ່ໄດ້ຮັບການຮັບຮອງແລ້ວ, ຈະສາມາດຊຸກຍູ້ການພັດທະນາຂະແໜງການພະລັງຄວາມຮ້ອນໃຕ້ດິນ. ຍັດຕິສະບັບໃໝ່ຈະເລີ່ມມີຜົນບັງຄັບໃຊ້ພາຍຫຼັງການລົງນາມຂອງທ່ານຊຸຊີໂລ ບຳບາງ ຢຸດໂຮໂຢໂນ, ປະທານາທິບໍດີອິນໂດເນເຊຍ.ການພັດທະນາພະລັງຄວາມຮ້ອນໃຕ້ດິນແມ່ນໜຶ່ງໃນຂັ້ນຕອນທີ່ສຳຄັນຂອງລັດຖະບານຊຸຊີໂລໃນການຫຼຸດປະລິມານການລະບາຍອາຍພິດເຮືອນແກ້ວໃຫ້ໜ້ອຍລົງ. ເຊິ່ງເປົ້າໝາຍມີຄື, ຮອດປີ 2020, ຈະຫຼຸດປະລິມານການລະບາຍອາຍພິດເຮືອນແກ້ວຂອງອິນໂດເນເຊຍໃຫ້ລົງ 26% ເຊິ່ງຕ່ຳກວ່າລະດັບໃນປີ 2005. ປະລິມານການສະສົມພະລັງຄວາມຮ້ອນໃຕ້ດິນຂອງອິນໂດເນເຊຍຢູ່ໃນອັນດັບໜຶ່ງຂອງໂລກ, ຄາດວ່າກວມ 40% ຂອງຍອດປະລິມານການສະສົມພະລັງຄວາມຮ້ອນໃຕ້ດິນຂອງໂລກ.