ໜັງສືພິມລຽນເຮີຈາວປ້າວ ສິງກະໂປສະບັບວັນທີ 27 ສິງຫານີ້ລາຍງານວ່າ, ອາທິດແລ້ວນີ້, ເດັກຊາຍຝຣັ່ງອາຍຸ 5 ປີຜູ້ໜຶ່ງຖືກພິດປາກະພຸນ ໃນເວລາໄປຫຼິ້ນຢູ່ເກາະພັງງາຂອງໄທພ້ອມກັບຄອບຄົວ, ເດັກຊາຍຜູ້ນີ້ໄດ້ເສຍຊີວິດໃນໄລຍະທາງນຳສົ່ງໄປໂຮງໝໍ.
ລັດຖະບານໄທອອກຄຳສັ່ງໃຫ້ອົງການປົກຄອງທ້ອງຖິ່ນແລະໂຮງແຮມແຄມທະເລຕິດແຈ້ງການ, ເຕືອນນັກທ່ອງທ່ຽວວ່າ ມີປາກະພຸນພິດຢູ່ໃນນ້ຳ, ໃຫ້ກຽມມາດຕະການປິ່ວປົວສຸກເສີນ, ເພື່ອຮັບມືກັບທຸກສະພາບການ.
ປາກະພຸນທີ່ໂຈມຕີເດັກຊາຍຝະຣັ່ງນັ້ນ, ທຳມະດາແລ້ວ ບໍ່ມັກໂຈມຕີມະນຸດ, ແຕ່ໜວດສຳຜັດຂອງມັນມີສານພິດ, ສາມາດເຮັດໃຫ້ມວນມະນຸດເສຍຊີວິດ. ແຕ່ລະປີ, ຢູ່ເກາະພັງງາແລະເກາະທະເລຫຼາຍແຫ່ງຂອງໄທ ກໍ່ຈະປາກົດເຫັນປາກະພຸນແບບນີ້ຢ່າງຫຼວງຫຼາຍ, ໂດຍປົກກະຕິ, ມັນຈະໜີໄປໃນທ້າຍເດືອນຕຸລາ.