ວັນທີ 26 ສິງຫານີ້, ທ່ານຟັ້ນສາງຫຼົງ, ຮອງປະທານຄະນະກຳມະການການທະຫານສູນກາງຈີນໄດ້ພົບປະກັບທ່ານຊັຟຣີ ຊຳໂຊດິນ, ລັດຖະມົນຕີຊ່ວຍວ່າການກະຊວງປ້ອງກັນປະເທດອິນໂດເນເຊຍຢູ່ຕຶກປາອີ.
ທ່ານຟັ້ນສາງຫຼົງກ່າວວ່າ, ໃນຫຼາຍປີມານີ້, ກອງທັບຈີນແລະອິນໂດເນເຊຍໄດ້ດຳເນີນການແລກປ່ຽນແລະການຮ່ວມມືຢ່າງມີປະສິດທິຜົນໃນດ້ານການໄປມາຫາສູ່ກັນລະດັບສູງ, ການປຶກສາຫາລືວຽກງານປ້ອງກັນປະເທດ, ການຊ້ອມຮົບຮ່ວມ, ການຮ່ວມມືລະຫວ່າງກອງທັບເຮືອແລະການແລກປ່ຽນລະຫວ່າງໂຮງຮຽນຕ່າງໆ. ກອງທັບຈີນຍິນດີຮ່ວມກັນກັບອິນໂດເນເຊຍ, ຊຸກຍູ້ໃຫ້ການພົວພັນຄູ່ຮ່ວມມືຍຸດທະສາຮອບດ້ານລະຫວ່າງສອງປະເທດພັດທະນາໄປຂ້າງໜ້າຢ່າງບໍ່ຢຸດຢັ້ງ.
ທ່ານຊັຟຣີກ່າວວ່າ, ອິນໂດເນເຊຍຍິນດີທຳຄວາມພະຍາຍາມຮ່ວມກັນກັບຈີນ, ພັດທະນາການພົວພັນດ້ານການປ້ອງກັນປະເທດລະຫວ່າງສອງປະເທດຕື່ມອີກ, ຮ່ວມກັນຮັກສາສັນຕິພາບແລະສະເຖຍລະພາບຂອງພາກພື້ນ.