ການເລືອກຕັ້ງຜູ້ວ່າການເຂດບໍລິຫານພິເສດມາກາວຜູ້ທີ 4 ໄດ້ຈັດຂຶ້ນໃນວັນທີ 31 ສິງຫານີ້, ໃນກຳມະການ 400 ຄົນຂອງຄະນະກຳມະການເລືອກຕັ້ງ ມີ 1 ຄົນຂໍພັກ, ມີ ກຳມະການ 396 ຄົນໄປເຂົ້າຮ່ວມການປ່ອນບັດຢູ່ສະຖານທີ່. ທ່ານຊຸ່ຍຊື້ອ່ານໄດ້ຮັບການເລືອກຕັ້ງເປັນຜູ້ວ່າການເຂດບໍລິຫານພິເສດມາກາວຜູ້ທີ 4 ດ້ວຍ 380 ບັດ.
ອີງຕາມຂໍ້ກຳນົດໃນກົດໝາຍວ່າດ້ວຍການເລືອກຕັ້ງຜູ້ວ່າການເຂດບໍລິຫານພິເສດມາກາວ, ຕ້ອງມີກຳມະການ 2 ສ່ວນ 3 ໄປເຂົ້າຮ່ວມການປ່ອນບັດຢູ່ສະຖານທີ່ປ່ອນບັດຈຶ່ງມີຜົນສັກສິດ, ເມື່ອຜູ້ສະໝັກຮັບເລືອກຕັ້ງໄດ້ຮັບບັດເຄິ່ງໜຶ່ງຂຶ້ນໄປຈາກກຳມະການທີ່ເຂົ້າຮ່ວມການປ່ອນບັດ ກໍ່ສາມາດໄດ້ຮັບການເລືອກຕັ້ງ.
ກົດໝາຍພື້ນຖານເຂດມາກາວໄດ້ກຳນົດໄວ້ວ່າ, ຜູ້ວ່າການເຂດບໍລິຫານພິເສດມາກາວແມ່ນເລືອກຕັ້ງໂດຍຄະນະກຳມະການເລືອກຕັ້ງຜູ້ວ່າການທີ່ສາມາດຕາງໜ້າປະຊາຊົນທົ່ວໄປຕາມກົດໝາຍ, ແລ້ວແຕ່ງຕັ້ງໂດຍລັດຖະບານສູນກາງ, ອາຍຸການຕຳແໜ່ງເປັນເວລາ 5 ປີ. ອີງຕາມ "ກົດໝາຍວ່າດ້ວຍການເລືອກຕັ້ງຜູ້ວ່າການບໍລິຫານ" ຂອງເຂດບໍລິຫານພິເສດມາກາວສະບັບດັດແກ້, ຄະນະກຳມະການເລືອກຕັ້ງຜູ້ວ່າການເຂດພິເສດມາກາວໄດ້ມີຈຳນວນກຳມະການຈາກ 300 ຄົນເພີ່ມຂຶ້ນເປັນ 400 ຄົນ.