ໜັງສືພິມ ＤａｉｌｙＭａｉｌ ຂອງອັງກິດສະບັບວັນທີ ３１ ສິງຫາແລ້ວນີ້ໄດ້ລາຍງານວ່າ, ເມື່ອມໍ່ໆມານີ້, ທ່ານຢາຣອນ ໄອວຸຣີ ອາຍຸ ５８ ປີ ຊາວເມືອງｗｒａｙｓｂｕｒｙ ລັດ Berkshire ຂອງອັງກິດໄດ້ປະຕິບັດແຜນການທີ່ມີຄວາມກ້າ ຄືທຸ້ມເທເງິນຈຳນວນ ７ ໝື່ນປອນອັງກິດຫຼືປະມານ １１６.０００ ໂດລາເຂົ້າໃນການຍົກເຮືອນໝົດຫຼັງໃຫ້ສູງຂຶ້ນ １,５ແມັດເພື່ອປ້ອງກັນບໍ່ໃຫ້ຖືກນ້ຳຖ້ວມ.
ທ່ານໄອວຸຣີພ້ອມຄອບຄົວດຳລົງຊີວິດຢູ່ລະຫວ່າງຄອງນ້ຳທີ່ມະນຸດສ້າງຂຶ້ນສອງສາຍ, ດ້ວຍເຫດນີ້ ເຮືອນຂອງລາວຈິ່ງຖືກນ້ຳຖ້ວມເລື້ອຍໆ. ພື້ນເຮືອນຂອງລາວເຄີຍຖືກນ້ຳຖ້ວມ, ເຄື່ອງເຟີນີເຈີທີ່ເຮັດດ້ວຍໄມ້ເນື້ອແຂງ, ຝາເຮືອນ, ເຄື່ອງໃຊ້ໄຟຟ້າໃນເຮືອນລ້ວນແຕ່ຖືກເປ່ເພຈົນບໍ່ສາມາດສ້ອມແປງໄດ້. ຮອດທ້າຍເດືອນກັນຍານີ້, ເຮືອນຫຼັງນີ້ຈະໄດ້ຮັບການດັດແປງໃຫ້ສຳເລັດ. ມັນບໍ່ພຽງແຕ່ຈະສາມາດປ້ອງກັນໄພນ້ຳຖ້ວມໃນອະນາຄົດເທົ່ານັ້ນ, ຍັງສາມາດຊົມທິວທັດທີ່ສວຍງາມຢູ່ຝັ່ງກົງກັນຂ້າມຂອງແມ່ນ້ຳທາສອີກດ້ວຍ.
