ວັນທີ 31 ສິງຫາແລ້ວນີ້, ທ່ານນາງນາວີປີໄລ ເຈົ້າໜ້າທີ່ຊັ້ນສູງວຽກງານສິດທິມະນຸດຂອງອົງການສະຫະປະຊາຊາດໄດ້ເຕືອນອີກຄັ້ງໃໝ່ໃຫ້ລັດຖະບານຍີ່ປຸ່ນຕ້ອງສືບສວນບັນຫານາງບຳເລີທະຫານຍີ່ປຸ່ນຢ່າງເຖິງຖອງ ແລະລົງໂທດຜູ້ກ່ຽວຢ່າງເຂັ້ມງວດ. ວັນທີ 6 ສິງຫາຜ່ານມານີ້, ທ່ານນາງປີໄລໄດ້ອອກຖະແຫຼງການເປັນເທື່ອທຳອິດໂດຍໄດ້ກ່າວເຕືອນຢ່າງແຮງກ້າໃຫ້ລັດຖະບານຍີ່ປຸ່ນແກ້ໄຂບັນຫານາງບຳເລີຢ່າງຮອບດ້ານ, ຍຸຕິທຳແລະຖາວອນ. ນີ້ແມ່ນເທື່ອທຳອິດທີ່ເຈົ້າໜ້າທີ່ຊັ້ນສູງວຽກງານສິດທິມະນຸດຂອງອົງການສະຫະປະຊາຊາດກ່າວປະນາມຢ່າງຮຸນແຮງກ່ຽວກັບບັນຫານາງບຳເລີທະຫານຍີ່ປຸ່ນ.
ນາງປີໄລຍັງຊີ້ໃຫ້ເຫັນວ່າ, ນາງໄດ້ເອົາໃຈໃສ່ໃນລະດັບສູງຕໍ່ບັນຫານາງບຳເລີມາໂດຍຕະຫຼອດ, ພາຍໃຕ້ກໍລະນີທີ່ບັນຫານາງບຳເລີຍັງບໍ່ທັນໄດ້ຮັບການແກ້ໄຂ, ອົງການຈັດຕັ້ງສັງຄົມສ່ວນໜຶ່ງຂອງຍີ່ປຸ່ນຍັງສ້າງຄວາມລະແວງສົງໄສຕໍ່ "ຄວາມເປັນຈິງ"ຂອງຜູ້ທີ່ຖືກເຄາະຮ້າຍ, ນີ້ແມ່ນສິ່ງທີ່ເປັນຫ່ວງຫຼາຍ.