ການເຈລະຈາເຂດການຄ້າເສລີຈີນ ຍີ່ປຸ່ນ ແລະສ ເກົາຫຼີຮອບທີ ５ ໄດ້ຈັດຂຶ້ນຢູ່ນະຄອນຫຼວງປັກກິ່ງຂອງຈີນໃນວັນທີ １ ກັນຍານີ້. ທ່ານຫວາງໂຊ້ເວີນ ຜູ້ຊ່ວຍລັດຖະມົນຕີວ່າການກະຊວງການຄ້າຈີນ, ທ່ານຢາຊູມາຊາ ນາກາມີເນ ເຈົ້າໜ້າທີ່ພິຈາລະນາລະດັບລັດຖະມົນຕີຊ່ວຍວ່າການກະຊວງການຕ່າງປະເທດຍີ່ປຸ່ນແລະທ່ານວູເທຮີ ຜູ້ຊ່ວຍລັດຖະມົນຕີວ່າການກະຊວງອຸດສາຫະກຳການຄ້າແລະຊັບພະຍາກອນສ ເກົາຫຼີໄດ້ນຳພາຄະນະຜູ້ແທນຂອງປະເທດຕົນເຂົ້າຮ່ວມການເຈລະຈາໃນຄັ້ງນີ້.
ການເຈລະຈາຮອບນີ້ຈະດຳເນີນເປັນເວລາ ５ ວັນ, ３ ຝ່າຍຕົ້ນຕໍຈະປຶກສາຫາລືໃນບັນຫາຕ່າງໆເຊັ່ນຮູບແບບການຫຼຸດພາສີຂອງການຄ້າສິນຄ້າ, ຮູບແບບການເປີດປະຕູຂອງການຄ້າການບໍລິການແລະການລົງທຶນ, ແລະຈະແລກປ່ຽນຄວາມເຫັນກ່ຽວກັບຂອບເຂດແລະຂົງເຂດຂອງສັນຍາ. ການເຈລະຈາເຂດການຄ້າເສລີຈີນ ຍີ່ປຸ່ນແລະສ ເກົາຫຼີໄດ້ເລີ່ມດຳເນີນຂຶ້ນມາຢ່າງເປັນທາງການແຕ່ເດືອນພະຈິກປີ ２０１２, ມາຮອດປັດຈຸບັນໄດ້ຈັດການເຈລະຈາຢ່າງເປັນທາງການມາ ４ ຮອບແລ້ວ.
 |
