ວັນທີ １ ກັນຍານີ້, ທ່ານເທັນເຊັນ ປະທານາທິບໍດີມຽນມາໄດ້ກ່າວຄຳປາໄສໂດຍຮຽກຮ້ອງໃຫ້ບັນດາຜູ້ນຳດ້ານການເມືອງ, ເສດຖະກິດແລະສັງຄົມບໍ່ຄວນສະເພາະແຕ່ ສະໜັບສະໜູນຄວາມພະຍາຍາມຂອງລັດຖະບານຫຼືບໍ່ເທົ່ານັ້ນ, ແຕ່ຄວນເບິ່ງບັນຫາດ້ວຍທັດສະນະທີ່ມີລັກສະນະສ້າງສັນ, ພະຍາຍາມຮ່ວມກັນເພື່ອເຮັດໃຫ້ທ່ວງທ່າຂອງການປະຕິຮູບໃນປັດຈຸບັນບໍ່ຫຼຸດລົງ,ບໍ່ຢຸດສະງັກແລະສືບຕໍ່ຮັກສາຄວາມມີຊີວິດຊີວາຕໍ່ໄປ.
ທ່ານຍັງເລັ່ງລັດໃຫ້ຜູ້ນຳການເມືອງ, ຜູ້ນຳກອງທັບ, ຜູ້ນຳຊົນເຜົ່າສ່ວນໜ້ອຍແລະປະຊາຊົນບັນດາເຜົ່າຈົ່ງທຳຄວາມພະຍາຍາມຮ່ວມກັນ,ນຳໃຊ້ວິທີທາງການເມືອງເພື່ອບັນລຸສັນຍາຢຸດຍິງໃນຂອບເຂດທົ່ວປະເທດໂດຍໄວ, ແລ້ວດຳເນີນຂະບວນການສົນທະນາທາງການເມືອງເພື່ອບັນລຸສັນຕິພາບຖາວອນແລະໃຫ້ປະເທດມີການພັດທະນາ.
 |
