ວັນທີ 1 ກັນຍານີ້, ທ່ານເຊີເກ ລັຟຣົຟ ລັດຖະມົນຕີວ່າການກະຊວງການຕ່າງປະເທດຣັດເຊຍໄດ້ຮຽກຮ້ອງໃຫ້ປະເທດຕາເວັນຕົກຈົ່ງດຳເນີນການສົນທະນາກັບຣັດເຊຍ, ແຕ່ບໍ່ແມ່ນຂົ່ມຂູ່ດ້ວຍການລົງໂທດ. ທ່ານກ່າວຢ້ຳວ່າຣັດເຊຍຈະບໍ່ແຊກແຊງທາງການທະຫານຕໍ່ອູແກຣນ.
ກ່ອນໜ້ານີ້, ຝ່າຍສະຫະພາບເອີຣົບໄດ້ກ່າວວ່າ, ຈະວາງແຜນການສະເໜີພາຍໃນ 1 ອາທິດ, ແລະນຳໃຊ້ການເຄື່ອນໄຫວຕື່ມອີກຕໍ່ຣັດເຊຍໂດຍອີງຕາມສະພາບການຂະຫຍາຍຕົວ ຂອງສະຖານະການຢູ່ອູແກຣນ.
ໃນວັນດຽວກັນ, ທ່ານລັຟຣົຟ ໄດ້ກ່າວປາຖະກະຖາຢູ່ສະຖາບັນການພົວພັນສາກົນມົສກູໂດຍກ່າວວ່າ, ມາດຕະການຂອງສະຫະພາບເອີຣົບໄດ້ສະແດງໃຫ້ເຫັນວ່າການລົງໂທດຂອງປະເທດຕາເວັນຕົກຍັງຮຸນແຮງທີ່ສຸດ. ປະເທດຕາເວັນຕົກຄວນດຳເນີນການສົນທະນາແຕ່ບໍ່ແມ່ນຂົ່ມຂູ່ຣັດເຊຍດ້ວຍການລົງໂທດແລະຄວາມຮຽກຮ້ອງທີ່ບໍ່ຕິດແທດຕົວຈິງ. ທ່ານຍັງກ່າວຕື່ມອີກວ່າ, ຣັດເຊຍຈະພິຈາລະນາຈາກຜົນປະໂຫຍດຂອງປະເທດຕົນ,ເພື່ອຮັບມືກັບການລົງໂທດຂອງປະເທດຕາເວັນຕົກ.
 |
