ພາຍຫລັງເຂົ້າຮ່ວມກອງປະຊຸມລັດຖະມົນຕີເສດຖະກິດການຄ້າຈີນອາຊຽນຢູ່ມຽນມາໃນອາທິດແລ້ວນີ້ແລ້ວ,ທ່ານກ່າວຫູເສີງ ລັດຖະມົນຕີກະຊວງການຄ້າຂອງຈີນເວົ້າຕໍ່ນັກຂ່າວວ່າ,ໃນກອງປະຊຸມ,ລັດຖະມົນຕີອາຊຽນກ່າວວ່າ,ຍິນດີຮ່ວມກັນສ້າງເສັ້ນທາງສາຍໄໝທາງທະເລສະຕະວັດທີ 21,ເຫັນດີເລີ່ມຕົ້ນການເຈລະຈາເຂດການຄ້າເສລີຈີນ-ອາຊຽນສະບັບຍົກລະດັບ.ນີ້ເປັນຂີດໝາຍສະແດງໃຫ້ເຫັນວ່າ ການຮ່ວມມືດ້ານເສດຖະກິດການຄ້າລະຫວ່າງຈີນອາຊຽນໄດ້ຢືນຢູ່ຈຸດເລີ່ມຕົ້ນໃໝ່.
ທ່ານກ່າວຫູເສີງຊີ້ອອກວ່າ,ຈຸດສຸມຂອງເສັ້ນທາງສາຍໄໝທາງທະເລກໍຄືການຮ່ວມມືດ້ານເສດຖະກິດ,ບໍ່ພົວພັນເຖິງຂົງເຂດການທະຫານແລະຄວາມໝັ້ນຄົງ.ນອກນີ້,ສາເຫດທີ່ຈະເລີ່ມຕົ້ນການເຈລະຈາເຂດການຄ້າເສລີຈີນ-ອາຊຽນສະບັບຍົກລະດັບແມ່ນຍ້ອນຈີນແລະອາຊຽນໄດ້ເຫັນເປັນເອກະສັນກັນວ່າ,ສັນຍາເຂດການຄ້າເສລີທີ່ເຊັນເມື່ອ 10 ປີກ່ອນບໍ່ສອດຄ່ອງກັບການພົວພັນຮ່ວມມືດ້ານເສດຖະກິດການຄ້າທີ່ແໜ້ນແຟ້ນແລະກຳລັງການພັດທະນາລະຫວ່າງຈີນອາຊຽນໃນປະຈຸບັນນັ້ນຢ່າງສົມບູນແລ້ວ,ມີຄວາມຈຳເປັນຕ້ອງສ້າງເຂດການຄ້າເສລີຈີນອາຊຽນ ສະບັບຍົກລະດັບ.
ທ່ານກ່າວຫູເສີງເວົ້າວ່າ,ຜູ້ຮ່ວມປະຊຸມຍັງມີຄວາມເຫັນເປັນເອກະສັນກັນກ່ຽວກັບຮົງກົງຈີນປຶກສາຫາລືແລະເຊັນສັນຍາເຂດການຄ້າເສລີກັບອາຊຽນ.ລັດຖະບານກາງຂອງຈີນຍິນດີຊຸກຍູ້ເຂດຮົງກົງຈີນບັນລຸສັນຍາເຂດການຄ້າເສລີຮົງກົງອາຊຽນຕາມທີ່ໄດ້ປຶກສາແລະຕົກລົງກັນແລ້ວນັ້ນກັບອາຊຽນໂດຍໄວ.
 |
