ຕອນບ່າຍາວັນທີ 31 ສິງຫາແລ້ວນີ້,ກອງປະຊຸມຄັ້ງທີ 10 ຂອງຄະນະກຳມະການປະຈຳສະພາປະຊາຊົນແຫ່ງຊາດຈີນຊຸດທີ 12 ໄດ້ລົງຄະແນນສຽງຜ່ານຮັບຮອງມະຕິຕົກລົງກ່ຽວກັບບັນຫາການເລືອກຕັ້ງຜູ້ວ່າການບໍລິຫານແລະວິທີກຳເນີດສະພານິຕິບັນຍັດເຂດພິເສດຮົງກົງຈີນ,ໂດຍຕົກລົງເລີ່ມແຕ່ປີ 2017 ເປັນຕົ້ນໄປ,ການເລືອກຕັ້ງຜູ້ວ່າການເຂດບໍລິຫານພິເສດຮົງກົງສາມາດປະຕິບັດຕາມວິທີການເລືອກຕັ້ງທົ່ວໄປ.
ພາຍຫຼງກອງປະຂຸມສຳເລັດວຽກລົງຄະແນນສຽງລາຍການຕ່າງໆແລ້ວ,ທ່ານຈ່າງເຕີຈ່ຽງ ປະທານສະພາປະຊາຊົນແຫ່ງຊາດຈີນເວົ້າວ່າ: "ນີ້ແມ່ນມະຕິຕົກລົງອັນສຳຄັນອີກຂໍ້ໜຶ່ງທີ່ຄະນະກຳມະການສະພາປະຊາຊົນແຫ່ງຊາດຈີນວາງອອກກ່ຽວກັບບັນຫາການພັດທະນາໂຄງປະກອບການເມືອງຂອງເຂດບໍລິຫານພິເສດຮົງກົງໂດຍອີງຕາມກົດໝາຍ," "ມີຄວາມໝາຍສຳຄັນຕໍ່ການປະຕິບັດທິດທາງນະໂຍບາຍປະເທດດຽວສອງລະບົບແລະຊາວຮົງກົງປົກຄອງຮົງກົງ ການປົກ ຄອງໂດຍຕົນເອງໃນດັບສູງແລະກົດໝາຍພື້ນຖານຮົງກົງຢ່າງຮອບດ້ານ,ແລະຕໍ່ກັບການຊຸກຍູ້ໃຫ້ຮົງກົງພັດທະນາປະຊາທິປະໄຕແບບຄ່ອຍເປັນຄ່ອຍໄປ ປະຕິບັດການເລືອກຕັ້ງຜູ້ວ່າການໂດຍທົ່ວໄປໃນປີ 2017 ຕາມກົດໝາຍ."
 |
