ຕາມຂ່າວCRI: ວັນທີ 31 ສິງຫາແລ້ວນີ້, ກອງປະຊຸມຄັ້ງທີ 10 ຂອງຄະນະປະຈຳສະພາປະຊາຊົນແຫ່ງຊາດຈີນຊຸດທີ 12 ໄດ້ລົງຄະແນນສຽງຮັບຜ່ານຂໍ້ຕົກລົງຂອງຄະນະປະຈຳສະພາປະຊາຊົນແຫ່ງຊາດຈີນ ກ່ຽວກັບບັນຫາການເລືອກຕັ້ງທົ່ວໄປຂອງຜູ້ວ່າການບໍລິຫານຂອງເຂດບໍລິຫານພິເສດຮົງກົງແລະວິທີກຳເນີດສະພານິຕິບັນຍັດໃນປີ 2016. ໜັງສືພິມຕ່າງໆຢູ່ເຂດຮົງກົງສະບັບວັນທີ 1 ກັນຍານີ້ໄດ້ເອົາໃຈໃສ່ໃນລະດັບສູງຕໍ່ກັບເລືອງນີ້, ໄດ້ເຫັນເປັນທົ່ວໄປວ່າຂໍ້ຕົກລົງນີ້ໄດ້ສະແດງໃຫ້ເຫັນເຖິງຫຼັກໝັ້ນທີ່ເດັດດ່ຽວໜຽວແໜ້ນຂອງສູນກາງໃນການປະຕິບັດການເລືອກຕັ້ງຜູ້ວ່າການບໍລິຫານຂອງເຂດບໍລິຫານພິເສດຮົງກົງ, ແມ່ນການບຸກທະລຸແລະກ້າວກະໂດດສຳຄັນໃນຂະບວນການປະຕິບັດນະໂຍບາຍ "ປະເທດດຽວ ສອງລະບອບ ". ຫາງສຽງໄດ້ຮຽກຮ້ອງໃຫ້ສັງຄົມຮົງກົງຈົ່ງພິຈາລະນາຢ່າງສົມເຫດສົມຜົນ, ປະຕິບັດໂດຍອີງຕາມກົດໝາຍ, ຮັບປະກັນໃຫ້ການເລືອກຕັ້ງໂດຍທົ່ວໄປໄດ້ຮັບການບັນລຸຜົນເປັນຈິງຢ່າງສະດວກ.
ບົດວິຈານຂອງໜັງສືພິມ "ດ້າໂກ່ງປ້າວ" ໄດ້ຊີ້ອອກວ່າ, ຂໍ້ຕົກລົງຂອງຄະນະປະຈຳສະພາປະຊາຊົນແຫ່ງຊາດຈີນແມ່ນການວາງນະໂຍບາຍຢ່າງຖືກຕ້ອງທີ່ທັງເອົາໃຈໃສ່ເຖິງຄວາມຮຽກຮ້ອງດ້ານປະຊາທິປະໄຕຂອງປະຊາຊົນເຂດຮົງກົງຢ່າງເຕັມທີ, ທັງສອດຄ່ອງກັບຜົນປະໂຫຍດດ້ານການພັດທະນາຂອງຈີນໃນປັດຈຸບັນນີ້, ແມ່ນການບຸກທະລຸແລະກ້າວກະໂດດສຳຄັນໃນຂະບວນການປະຕິບັດນະໂຍບາຍ "ປະເທດດຽວສອງລະບອບ".
 |
