ວັນທີ 1 ກັນຍານີ້ ທ່ານແດວິດ ຄາເມລອນ ນາຍົກລັດຖະມົນຕີອັງກິດປະກາດວ່າ, ອັງກິດຈະປະຕິບັດມາດຕະການຕ້ານການກໍ່ການຮ້າຍທີ່ເຂັ້ມຂຸ້ນກວ່າເກົ່າ, ໂດຍຈະສະກັດກັ້ນການທ່ອງທ່ຽວຂ້າມຊາດຂອງຜູ້ຕ້ອງຫາກໍ່ການຮ້າຍ, ແລະຈະເພີ່ມທະວີການຄວບຄຸມແລະຕໍ່ຕ້ານພວກກໍ່ການຮ້າຍພາຍໃນປະເທດຕົນ.
ທ່ານຄາເມລອນກ່າວວ່າ, ນັບແຕ່ຕົ້ນປີນີ້ມາ, ຜູ້ຄົນທີ່ມີສ່ວນກ່ຽວຂ້ອງກັບການກໍ່ການຮ້າຍຂອງຊີຣີທີ່ຖືກຈັບຕົວຢູ່ອັງກິດນັ້ນ ໄດ້ເພີ່ມຂຶ້ນ 5 ເທົ່າ, ອັງກິດຍັງໄດ້ລຶບຂໍ້ມູນຂ່າວສານທີ່ກ່ຽວຂ້ອງກັບການກໍ່ການຮ້າຍ 2 ໝື່ນ 8 ພັນຂໍ້ຢູ່ເທິງອິນເຕີເນັດ, ໃນນັ້ນ ລວມທັງວິດີໂອທີ່ກ່ຽວຂ້ອງກັບກຸ່ມ ISIS, ອົງການຈັດຕັ້ງຫົວຮຸນແຮງ 46 ຕອນ. ວັນທີ 29 ສິງຫາທີ່ຜ່ານມາ, ກະຊວງພາຍໃນຂອງອັງກິດປະກາດວ່າ, ຈະຍົກລະດັບຂອງການຂົ່ມຂູ່ຈາກລັດທິກໍ່ການຮ້າຍສາກົນທີ່ອັງກິດປະເຊີນໜ້ານັ້ນ ຈາກ "ຂ້ອນຂ້າງໜັກໜ່ວງ" ຂຶ້ນເປັນ "ໜັກໜ່ວງ", ເຊິ່ງໝາຍຄວາມວ່າ, ການຫຼອນໂຈມຕີແບບກໍ່ການຮ້າຍມີຄວາມອາດເປັນໄປໄດ້ຫຼາຍທີ່ຈະເກີດຂຶ້ນ.
 |
