ວັນທີ 1 ກັນຍານີ້ ກະຊວງການຕ່າງປະເທດຕວກກີ ໄດ້ຮຽກອຸປະທູດຊົ່ວຄາວຂອງອາເມລິກາປະຈຳຕວກກີ, ເພື່ອສະແດງຄວາມຕໍ່ວ່າທັກທ້ວງໃນກໍລະນີທີ່ກົມຮັກສາຄວາມໝັ້ນຄົງແຫ່ງຊາດອາເມລິກາ ຫຼື NSA ດຳເນີນການລັກຟັງຕໍ່ຕວກກີ ເຊິ່ງລາຍງານຂ່າວໂດຍສື່ມວນຊົນ.
ຕອນເຊົ້າວັນທີ 1 ກັນຍານີ້ ທ່ານເຣເຊັບ ໄທຢິບ ແອວໂດກອັນ ປະທານາທິບໍດີຕວກກີກ່າວວ່າ, ຕວກກີຈະດຳເນີນການສຳຫຼວດກ່ຽວກັບປະເທດທີ່ກ່ຽວຂ້ອງດຳເນີນການລັກຟັງຕວກກີແນວໃດ ແລະໄດ້ຮັບຂ່າວລັບອັນໃດແດ່.
ວັນທີ 31 ສິງຫາແລ້ວນີ້ ວາລະສານລາຍສັບປະດາ Spiegel ຂອງເຢຍລະມັນໄດ້ພິມບົດຄວາມລົງເວັບໄຊຂອງຕົນ, ໂດຍຂຽນວ່າ, ອີງຕາມເອກະສານກ່ຽວກັບໂຄງການຕິດຕາມລັກຟັງຂອງພະແນກຂ່າວລັບຂອງອາເມລິກາທີ່ເປີດເຜີຍໂດຍທ້າວເອດໂວດ ສະໂນເດັນ, ກົມຮັກສາຄວາມໝັ້ນຄົງຂອງອາເມລິກາແລະອົງການຂ່າວລັບຂອງອັງກິດ ໄດ້ດຳເນີນ "ການຕິດຕາມລັກຟັງຢ່າງຂະໜາດໃຫຍ່" ຕໍ່ຕວກກີເປັນເວລາດົນນານ.