ຕາມສຳນັກຂ່າວສານສູນກາງເກົາຫຼີລາຍງານໃນວັນທີ 14 ກັນຍານີ້ວ່າ, ມື້ດຽວກັນ, ສານສູງສຸດຂອງ ສປປ ເກົາຫຼີໄດ້ຕັດສິນລົງໂທດທ້າວເມວເລີ ມັດທີວ ໂຕດດ໌, ຄົນອາເມລິກາດ້ວຍວິທີການດັດສ້າງໂດຍໃຫ້ອອກແຮງງານເປັນເວລາ 6 ປີ.
ຕາມຂ່າວແຈ້ງວ່າ, ມື້ດຽວກັນ, ທ້າວເມວເລີ ເມັດທີວ ໂຕດດ໌ໄດ້ສາລະພາບວ່າໄດ້ດຳເນີນການເຄື່ອນໄຫວທີ່ເປັນປໍລະປັກກັນຕໍ່ສປປ ເກົາຫຼີ.
ກ່ອນໜ້ານີ້ສຳນັກຂ່າວສານສູນກາງເກົາຫຼີ ລາຍງານວ່າ, ໃນເດືອນເມສາຂອງປີນີ້, ທ້າວເມວເລີ ເມັດທີວ ໂຕດດ໌ໄດ້ຈີກທຳລາຍໃບຢັ້ງຢືນການທ່ອງທ່ຽວທີ່ອົງກອນທີ່ກ່ຽວຂ້ອງຂອງ ສປປ ເກົາຫຼີ ຢາຍໃຫ້ໃນເວລາເຂົ້າໄປ ສປປ ເກົາຫຼີ ໃນຖານະເປັນນັກທ່ອງທ່ຽວ, ແລະໄດ້ຮ້ອງດ້ວຍສຽງດັງວ່າຈະ "ລີ້ໄພ", ການກະທຳຂອງລາວໄດ້ລະເມີດກົດໝາຍແລະຄວາມເປັນລະບຽບຮຽບຮ້ອຍຂອງ ສປປ ເກົາຫຼີ ຢ່າງຮ້າຍແຮງ.
 |
